Next
सिंहगड रस्ता उड्डाणपूलासाठी भू-तांत्रिक माहिती संकलन
प्रेस रिलीज
Thursday, July 18, 2019 | 12:12 PM
15 0 0
Share this article:


पुणे : सिंहगड रस्ता येथे बांधण्यात येणाऱ्या उड्डाणपूलाची पूर्वतयारी म्हणून भूगर्भ तपासणीला नुकतीच सुरुवात करण्यात आली. या तपासणीच्या वेळी या प्रभागातील नगरसेविका मंजुषा नागपुरे उपस्थित होत्या. 

उड्डाणपूल बांधण्यापूर्वी सुरक्षेच्या कारणास्तव काही विशिष्ट चाचण्या व कार्यवाही कराव्या लागतात. हे भू-तांत्रिक माहिती संकलन त्याचाच एक भाग आहे. या तपासणीतून भूभागात दगड आहे का मुरूम किंवा आणखी काही याची माहिती मिळते. त्यामुळे पुढील खोदाई कशी व कोठे करायची आणि त्याचा अंदाजे खर्च ठरवता येतो.

या विषयी माहिती देताना नागपुरे म्हणाल्या, ‘उड्डाणपूल बांधण्यापूर्वी भूतांत्रिक तपासणी होणे गरजेचे आहे, जेणेकरून पुढील कार्यवाही निश्चित करण्यास मदत होईल. आमदार माधुरी मिसाळ यांच्या मार्गदर्शनानुसार स्थायी समितीतून मी ३० कोटी रुपये मंजूर करून आणले. पर्यायी रस्त्यांचे काम ८० टक्के पूर्ण केले आहे आणि आता उड्डाणपुलाच्या कामाला गती देत आहोत. आमदार मिसाळ यांच्या सूचनेनुसार आम्ही उड्डाणपूल बांधकामाच्या प्रत्येक टप्प्यावर बारीक लक्ष ठेवून आहोत आणि प्रत्येक काम हे उच्च प्रतीचे व्हावे यासाठी प्रयत्नशील आहोत आणि म्हणूनच या तपासणीच्या वेळेस मी जातीने उपस्थित राहिले.’

आधीच वाहतुकीची समस्या असलेल्या सिंहगड रस्त्यावर वाहतुकीसाठी पर्यायी रस्त्यांचा अवलंब केल्यामुळे ही समस्या काही अंशी सुटली होती; पण वाढती रहदारी लक्षात घेता वाहतूक समस्या सोडवण्यासाठी उड्डाणपूल बांधण्याचा प्रशासनाचा मानस आहे. यासाठी आमदार मिसाळ यांच्या मार्गदर्शनाखाली उड्डाणपुलाच्या कामाला सुरुवात केल्याचे नागपुरे यांनी सांगितले. 
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search