Next
‘लायन्स क्लब्ज’तर्फे १४७ गरजू रुग्णांचे कृत्रिम पायरोपण
प्रेस रिलीज
Wednesday, January 09, 2019 | 05:55 PM
15 0 0
Share this story



पुणे : दी इंटरनॅशनल असोसिएशन ऑफ लायन्स क्लब्ज डिस्ट्रिक्ट ३२३४ डी टू यांच्या वतीने व अहमदाबाद येथील राजस्थान हॉस्पिटलच्या सहकार्याने आयोजित दोन मोफत कृत्रिम पायरोपण (जयपूर फुट) शिबिरात १४७ रुग्णांना कृत्रिम पाय बसविण्यात आले. याचबरोबर ५३ पोलिओ कॅलिपर्स, २५० पेक्षा जास्त सिंगल स्टिक, नीकॅप, सर्जिकल बूट, कुबड्या व कंबरपट्टा आणि दोन व्हीलचेअर व एक तीनचाकी सायकलचे वाटपही या वेळी करण्यात आले.

सॅलिसबरी पार्क येथील महावीर प्रतिष्ठान येथे पाच व सहा जानेवारी २०१९ या दोन दिवशी आयोजित शिबिराला उत्स्फूर्त प्रतिसाद मिळाला. शिबिराचे उद्घाटन लायन्स क्लबचे प्रांतपाल रमेश शहा यांच्या हस्ते झाले. या वेळी उपप्रांतपाल अभय शास्त्री, जयपूर फूटचे डिस्ट्रिक्ट चेअरपर्सन दीपक शेटिया, राजेंद्र गोयल, वीरेंद्र पटेल, शरद पवार, प्रवीण ओसवाल, तुषार मेहता, सतीश राजहंस, सुनील शेटिया आदी पदाधिकारी उपस्थित होते.

या प्रसंगी रमेश शहा म्हणाले, ‘सामाजिक सेवेत लायन्स क्लब नेहमीच पुढाकार घेत असून, हे ५३ वे शिबिर होत आहे, याचा आनंद वाटतो. समाजातील गरजूंना, वंचित घटकांना चांगल्यारितीने आयुष्य जगता यावे, यासाठी ‘लायन्स’चे सर्व पदाधिकारी नेहमी प्रयत्नशील असतात. लायन हसमुख मेहता यांनी जयपूर फुट शिबिराची सुरुवात केली. आज हजारो दिव्यांगांना स्वतःच्या पायावर उभे करण्याचे काम लायन्स क्लबने केले आहे.’

दीपक सेठिया म्हणाले, ‘यंदाच्या शिबिराला चांगला प्रतिसाद मिळाला. जवळपास ५०० लोकांनी याचा लाभ घेतला. फाटलेले किंवा विद्रुप असलेल्या ओठ, कान व नाक यावर मोफत शल्य चिकित्सा शिबिरातही रुग्णांनी सहभाग घेतला. हे शिबिर संपूर्णतः मोफत होते. बाहेरगावच्या रुग्णांच्या राहण्याची व जेवणाची मोफत सोय करण्यात आली होती. आमच्या सर्व स्वयंसेवकांनी अतिशय चांगले नियोजन केले.’
 
15 0 0
Share this story

Post Your Comment
मराठी English
Your Name *
Email
 
Notify me once my comment is published
Comment *
Content limited to 1000 characters,1000 characters remaining.

Select Language
Share Link