Positive Media & Press Release Network
Select Language: मराठी
भारत आणि व्हिएतनाम या देशांचे राष्ट्रीय फूल म्हणून ओळख असणाऱ्या कमळाचे भारतीय संस्कृतीत मोठे महत्त्व आहे. विशेष करून नवरात्रौत्सवात देवीच्या पूजेला कमलपुष्पे वाहण्याची परंपरा आहे. त्यामुळे मंदिरात देवीच्या दर्शनाला जाता कमळाची फुले भाविकांकडून घेतली जातात; मात्र देवीच्या देवळांबाहेर जी फुले कमळाची म्हणून विकली जातात, ती बहुतांश ठिकाणी कमळाची नव्हे, तर वॉटर लिलीची असतात, असे ज्येष्ठ वनस्पतितज्ज्ञ डॉ. नागेश टेकाळे यांनी सांगितले. 
भारतात लाल कमळ आणि उपल्या कमळ या कमळाच्या दोन प्रमुख जाती आहेत. उष्ण भागातील गोड्या, उथळ पाण्यात लाल कमळांची वाढ होते. लाल कमळाची पाने गुळगुळीत देठाची असतात. लाल रंगाची फुले सप्टेंबर-ऑक्टोबर महिन्यात उमलतात. उपल्या कमळाची पाने वर्तुळाकार असून, पानाच्या खालच्या बाजूला ठिपके असतात. या जातीतील फुले जांभळी, फिकट निळी, पांढरी, गुलाबी रंगाची असून मंद सुवासाची असतात. वॉटर लिली अनेक रंगांत उपलब्ध असते. मुंबई, ठाण्यात नवी मुंबई आणि गुजरातमधून कमळाची फुले विक्रीसाठी येतात.
