Next
उत्स्फूर्त प्रतिसादात ‘वॉटर कप’ स्पर्धेला सुरुवात..
BOI
Wednesday, May 02, 2018 | 12:31 PM
15 0 0
Share this article:


आमीर खानपुणे : अभिनेता आमीर खान याच्या ‘पाणी फाउंडेशन’ संस्थेतर्फे गेले काही वर्षं आयोजित करण्यात येणाऱ्या बहुचर्चित ‘वॉटर कप’स्पर्धेला यंदाही उत्स्फूर्त प्रतिसाद मिळत आहे. १ मे, ‘महाराष्ट्र दिना’चे औचित्य साधत कालपासून पुण्यासह राज्यातील इतर काही जिल्ह्यांमध्ये या स्पर्धेला सुरुवात झाली आहे.    

आमीर खान आणि किरण रावआमीर खान आणि त्याचे इतर सहकारी यांच्या आवाहनानंतर या स्पर्धेसाठी अनेक गावे पुढे आली असून, या उपक्रमात ग्रामीण भागातील लोकांसह शहरातील नागरिकही मोठया संख्येने सहभागी होताना दिसत आहेत. पुणे जिल्ह्यातील पुरंदर तालुक्यात असलेल्या वाघापूर गावात सकाळपासूनच श्रमदानाला सुरुवात झाली. याठिकाणी श्रमदानात पुणे आणि मुंबईचे नागरिक मोठ्या संख्येने सहभागी झाले. 

विशेष बाब म्हणजे या उपक्रमात वृद्धांचाही सहभाग मोठ्या प्रमाणावर दिसला. वाघापूर येथील ८५ वर्षांच्या आजी सुमन लहाने यांनी श्रमदानामध्ये खारीचा वाटा उचलला, तर चिमुरड्यांनीही मोठ्या उत्साहाने कुदळ, विळा, फावडे या साधनांचा पहिल्यांदाच वापर करून काम केले. 

सामान्य नागरिकांच्या बरोबरीने सिनेक्षेत्रातील काही मराठी कलाकारही या उपक्रमात सहभागी झाले. वाघापूर इथे सिनेक्षेत्रातील मंडळींमध्ये गिरीश कुलकर्णी, अमेय कुलकर्णी, ज्योती सुभाष, किरण यद्नोपवित हे सहभागी झाले होते.

('वॉटर कप' स्पर्धेतील श्रमदानाचा व्हिडिओ सोबत देत आहोत.)

 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search