Next
‘वर्डस् काउंट’ या दुसऱ्या शब्दोत्सवाचे पुण्यात आयोजन
प्रेस रिलीज
Thursday, January 31, 2019 | 05:08 PM
15 0 0
Share this article:

पुणे : येथील साहित्य आणि कला क्षेत्रातील जाणकार वर्षा चोरडिया आणि सबिना संघवी यांच्या पुढाकाराने तीन फेब्रुवारी २०१९ रोजी सेनापती बापट रस्त्यावरील हॉटेल जे. डब्लू मॅरिएट येथे ‘वर्डस् काउंट’ या शब्दोत्सवाचे आयोजन करण्यात आले आहे. या शब्दोत्सवाची संकल्पना ही सुप्रसिद्ध पुरस्कार्थी लेखिका, पटकथाकार आणि स्तंभलेखिका अद्वैता कला यांची असून, शब्दोत्सवाचे ही दुसरी आवृती आहे. हा महोत्सव सकाळी १० ते सायंकाळी सात या वेळेत रंगेल.          

या शब्दोत्सवाला पंचशील रिअल्टी आणि जे. डब्लू मॅरिएट यांचे विशेष सहकार्य लाभले असून, हा महोत्सव सर्वांसाठी विनामूल्य खुला आहे. त्यासाठी पूर्वनोंदणी आवश्यक आहे. या वेळी राजकारण, चित्रपटसृष्टी, साहित्य, शिक्षण क्षेत्रातील अनेक मान्यवर सहभागी होणार असून, यामध्ये केंद्रीय वस्त्रोद्योग मंत्री स्मृती इराणी, माजी केंद्रीय पर्यावरण मंत्री जयराम रमेश, खासदार वरुण गांधी, खासदार असदुद्दिन ओवेसी, जनता दल युनायटेडचे राष्ट्रीय महासचिव पवन वर्मा, अखिल भारतीय विद्यार्थी परिषदेचे राष्ट्रीय आयोजक सचिव सुनील आंबेकर, गीतकार, कवी आणि भारतीय चित्रपट प्रमाणन मंडळाचे अध्यक्ष प्रसून जोशी यांचा समावेश आहे. हे सर्व मान्यवर विविध विषयांवर आपली मते उपस्थितांसमोर मांडणार आहेत.

याबरोबरच ‘इंडिक रायटर्स’ या विषयावर एका विशेष सत्राचे आयोजन या शब्दोत्सवात करण्यात आले असून, यामध्ये साईस्वरूपा अय्यर, शैफाली वैद्य, मयुरेश दिडोलकर, डिंपल कौल, कविता काणे आपले विचार मांडतील. केवळ वादविवाद न घालता खऱ्या अर्थाने संवाद होणे, चर्चा करण्याबरोबरच नागरिकांना आपली मते व्यक्त करण्याची संधी उपलब्ध करून देणे हे ‘वर्डस् काउंट’ या शब्द महोत्सवाचे उद्दिष्ट्य आहे.

‘कला, राजकारण, संस्कृती आणि साहित्य या आपल्या जीवनातील महत्त्वाच्या क्षेत्रात शब्दांची भूमिका आणि वापर हा महत्त्वपूर्ण आहे. हा वापर करीत असताना शब्दांचे महत्त्व आणि भूमिका अधिक स्पष्ट होण्याच्या उद्देशाने ‘वर्डस् काउंट’ कार्यरत आहे. नोव्हेंबर २०१७ साली ‘वर्डस् काउंट’ची पहिली आवृत्ती दिल्ली येथे पार पडली होती. त्यानंतर आता पुणे शहरात ही दुसरी आवृती होत आहे, याचा मला आनंद आणि अभिमान आहे,’ असे मत या वेळी शब्दोत्सवच्या क्युरेटर अद्वैता कला यांनी व्यक्त केले. या शब्दोत्सवात विविध विषय, संकल्पना यांवर दोन्ही बाजूंनी सकारात्मक चर्चा होईल असा माझा विश्वास असल्याचेही त्यांनी या वेळी नमूद केले.       

या वर्षीच्या शब्दोत्सवात पवन वर्मा यांना ‘दी वर्डस्मिथ’ या पुरस्काराने गौरविले जाणार आहे. वरुण यांना त्यांच्या भाषण कौशल्यासाठी हा पुरस्कार प्रदान करण्यात येत आहे. प्रसिद्ध डिझायनर शंतनू आणि निखील या जोडीने हा पुरस्कार डिझाइन केला आहे.

पूर्वनोंदणीसाठी : rsvp@panchshil.com
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search