Next
‘आरोग्यसेवा पोहोचविताना समग्र दृष्टीकोन महत्त्वाचा’
‘एस हॉस्पिटल’चे अध्यक्ष प्रा. डॉ. सुरेश पाटणकर यांचे मत
प्रेस रिलीज
Wednesday, April 10, 2019 | 05:21 PM
15 0 0
Share this article:

पुणे : ‘सात एप्रिल रोजी साजरा झालेल्या जागतिक आरोग्य दिवसाची संकल्पना युनिर्व्हसल हेल्थ केअर होती. भारताने आयुष्यमान भारत योजनेच्या माध्यमातून हे ध्येय साकार करण्यासाठी सर्वोत्कृष्ट पाऊल टाकले आहे, जेणेकरून सर्वांपर्यंत आरोग्यसेवा पोहोचविण्यात मदत होईल; मात्र हे करत असताना वैद्यकीय चिकित्सेमध्ये समग्र दृष्टीकोन ठेवणे गरजेचे असून, असे केल्यास सर्व रुग्णांना त्याचा फायदा होईल,’ असे मत एस मल्टीस्पेशालिटी हॉस्पिटलचे अध्यक्ष प्रा. डॉ. सुरेश पाटणकर यांनी व्यक्त केले.

‘उपचारासाठी पूरक साह्य म्हणून योगा, आयुर्वेद, होमिओपॅथी यांसारख्या इतर शास्त्रीय शाखांमधील वैद्यकीयदृष्ट्या प्रमाणित मान्यताप्राप्त उपचारपद्धतींचा अवलंब केला पाहिजे. विशेषत: जीवनशैलीशी निगडीत समस्या सोडविण्यासाठी यांचा वापर केला जाऊ शकतो. वैद्यकीय क्षेत्रातील सर्व तज्ज्ञांनी एकत्र येऊन याचा गांभीर्याने विचार करण्याची वेळ आली आहे. एस हॉस्पिटलमध्ये गेली दोन-तीन वर्षे विशेष करून आहार आणि पोषणासाठी आम्ही समग्र दृष्टीकोन ठेऊन रुग्णांची चिकित्सा करीत आहोत व याचे उत्तम परिणाम दिसून येत आहेत,’ असे डॉ. पाटणकर यांनी सांगितले.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search