Next
गोव्यातील साहित्य संमेलनाच्या अध्यक्षपदी डॉ. बसवेश्वर चेणगे
BOI
Saturday, May 11, 2019 | 03:23 PM
15 0 0
Share this article:

डॉ. बसवेश्वर चेणगेसातारा : गोव्यातील ताळगाव येथील माधव राघव प्रकाशनच्या पुढाकाराने रविवारी, १२ मे २०१९ रोजी मिरामार (पणजी) येथे होणाऱ्या साहित्य संमेलनाच्या अध्यक्षपदी मसूर (जि. सातारा) येथील गुंफण अकादमीचे अध्यक्ष डॉ. बसवेश्वर चेणगे यांची निवड करण्यात आली आहे.

रविवारी मिरामार येथील यूथ हॉस्टेलमध्ये हे संमेलन आयोजित करण्यात आले असून, सकाळी १० वाजता या संमेलनाचे उद्घाटन पत्रकार व वक्ते प्रभाकर ढगे यांच्या हस्ते होणार आहे. या वेळी महाराष्ट्र आणि गोव्यातील सामाजिक क्षेत्रात काम करणाऱ्या कार्यकर्त्यांचा सन्मान करण्यात येणार आहे. 

दुपारच्या सत्रात प्रा. नीता तोरणे यांच्या अध्यक्षतेखाली निमंत्रितांचे कविसंमेलन होणार आहे. 

संमेलनाध्यक्ष डॉ. बसवेश्वर चेणगे हे पत्रकार, साहित्यिक, सहकार क्षेत्रातील कार्यकर्ते आहेत. गुंफण दिवाळी अंकाचे ते संपादक आहेत. त्यात महाराष्ट्र, कर्नाटक आणि गोव्यासह इतर राज्यांतील मराठी भाषिकांचे साहित्य प्रसिद्ध होत असते. गुंफण अकादमीतर्फे मराठी भाषा, साहित्याच्या जतन, संवर्धनासाठी विविध उपक्रम राबवण्यात येतात. गेल्या सोळा वर्षांपासून महाराष्ट्र, गोवा आणि कर्नाटकात साहित्य संमेलन घेण्यात येते. या संमेलनात साहित्य पुरस्कार, सामाजिक कार्यकर्ते यांचा सन्मान करण्यात येतो. विनोदी कथास्पर्धा घेण्यात येते.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search