Next
शिवजयंतीनिमित्त अभिवादन मिरवणूक
प्रेस रिलीज
Wednesday, February 14 | 04:12 PM
15 0 0
Share this story

पुणे : महाराष्ट्र कॉस्मोपॉलिटन एज्युकेशन (एमसीई) सोसायटीतर्फे छत्रपती शिवाजी महाराज जयंतीनिमित्त विद्यार्थ्यांच्या भव्य अभिवादन मिरवणुकीचे आयोजन करण्यात आले आहे. १९ फेब्रुवारी २०१८ रोजी संस्थेचे अध्यक्ष डॉ. पी. ए. इनामदार यांच्या उपस्थितीत मिरवणुकीस प्रारंभ होणार आहे, अशी माहिती ‘एमसीई’ सोसायटीचे सचिव लतिफ मगदूम यांनी दिली.

पुण्यातील अल्पसंख्य, बहुजन समाजातील विद्यार्थी यांचा सहभाग असलेली ही सर्वात मोठी शिवजयंतीदिनाची अभिवादन मिरवणूक असणार आहे. एकूण दहा हजार विद्यार्थी या मिरवणुकीत सहभागी होणार असून, मिरवणुकीचे हे १७वे वर्ष आहे. या मिरवणुकीचे नेतृत्व संस्थेचे सचिव लतिफ मगदूम करणार आहेत.

आझम कँपस ते लाल महाल असा या मिरवणुकीचा मार्ग आहे. पूना कॉलेज, गोल्डन ज्युबिली टेक्निकल इन्स्टिट्यूट, जूना मोटर स्टँड, पद्मजी पोलीस चौकी, क्वॉर्टर गेट, संत नरपतगीरी चौक, नाना चावडी चौक, अरूणा चौक, अल्पना टॉकीज, डुल्या मारूती चौक, तांबोळी मशीद, सोन्या मारुती चौक, मोती चौक, फडके चौकमार्गे लाल महाल येथे मिरवणुकीची सांगता होईल.

मिरवणुकीत शैक्षणिक संस्थांचे सर्व प्राचार्य, पदाधिकारी, कर्मचारी, दरबार ब्रास बँडची दोन पथके, ढोल-ताशांचे पथक, तुतारी, नगारे देखील सहभागी होणार आहेत. ‘समतेचे राजे छत्रपती शिवाजी महाराज’ या विषयावर आधारित ‘बारा बलुतेदार’ हा देखावा मिरवणुकीत सादर करण्यात येणार आहे. मुस्लीम सहकारी बँकेतर्फे पुणे कँटोन्मेट बोर्ड आवारात असलेल्या छत्रपती शिवाजी महाराजांचा भव्य अश्वारूढ पुतळ्याची प्रतिकृती ही या मिरवणुकीत असणार आहे.

दरवर्षी संस्थेतर्फे छत्रपती शिवाजी महाराज, महात्मा फुले, डॉ. बाबासाहेब आंबेडकर आणि महंमद पैगंबर यांच्या जयंतीदिनी त्यांना अभिवादन करण्यासाठी भव्य मिरवणुका काढल्या जातात.

मिरवणुकीविषयी :

दिवस : सोमवार, १९ फेब्रुवारी २०१८
वेळ : सकाळी ८.३० वाजता
मिरवणुकीचा मार्ग : आझम कँपस ते लाल महाल
 
15 0 0
Share this story

Post Your Comment
मराठी English
Your Name *
Email
  Notify me once my comment is published
Comment *
Content limited to 1000 characters,1000 characters remaining.

Select Language
Share Link