Next
‘क्षत्रिय मराठा मंडळा’तर्फे शिवजयंतीनिमित्त शोभायात्रा
BOI
Monday, March 25, 2019 | 05:15 PM
15 0 0
Share this article:

रत्नागिरीत क्षत्रिय मराठा मंडळातर्फे छत्रपती शिवाजी महाराजांच्या तिथीनुसार जयंतीनिमित्त भव्य शोभायात्रा काढण्यात आली. त्यातील काही क्षणचित्रे. (छायाचित्र- माउली फोटो, रत्नागिरी)

रत्नागिरी : छत्रपती शिवाजी महाराजांच्या तिथीनुसार जयंतीनिमित्त क्षत्रिय मराठा मंडळातर्फे २३ मार्च २०१९ रोजी सायंकाळी रत्नागिरी शहरात क्षत्रिय मराठा मंडळातर्फे भव्य शोभायात्रा काढण्यात आली. भगवे झेंडे आणि पारंपरिक वेशभूषेतील हजारो मराठा मंडळींनी यात सहभाग घेतला. ढोल-ताशा पथक, लेझीम पथक, घोडेस्वार बाल शिवाजी, छत्रपती शिवाजी महाराजांची पालखी आणि मूर्तीने या यात्रेची शोभा वाढवली.



शोभायात्रेत महिलांचा सहभाग लक्षणीय होता. शनिवारी सायंकाळी मंडळाच्या सिद्धीविनायक रेसिडेन्सी येथील कार्यालयातून दुचाकी फेरी रत्नदुर्ग किल्ल्यावरील भगवती मंदिरात नेण्यात आली. भगवती मंदिरामध्ये श्री भगवतीदेवीचे आशीर्वाद घेऊन शिवज्योत प्रज्वलित करण्यात आली. त्यानंतर ती जयस्तंभ येथे आणण्यात आली. येथे पालखीतील श्री शिवरायांच्या मूर्तीची पूजा करून शोभायात्रेला प्रारंभ झाला. भगवे फेटे, नऊवारी साड्या, पांढरा झब्बा-लेंगा अशा पारंपरिक वेशभूषेत मराठा समाजातील मंडळी उपस्थित होते. लहान मुलेसुद्धा फेटा व पारंपरिक वेशभूषेत सहभागी झाली.



शोभायात्रा नीटनेटकी, नेत्रदीपक आणि भव्यदिव्य स्वरूपात निघण्यासाठी मंडळाच्या सर्व पदाधिकार्‍यांनी नियोजन केले. या शोभायात्रेत क्षत्रिय मराठा मंडळाचे अध्यक्ष सुरेश सुर्वे यांच्यासह मंडळाचे राजाराम साळवी, दिवाकर साळवी, सतीश साळवी, संतोष तावडे, संदीप मगदूम, उर्मिला घोसाळकर, प्राची शिंदे, शुभांगी इंदुलकर, कोमल तावडे, संध्या मोरे आदींसह सर्व पदाधिकारी, सदस्य कार्यकर्ते सहभागी झाले होते.



 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search