Next
‘वैद्यकीय सहायता योजना सामान्यांपर्यत पोहचविणे गरजेचे’
पालकमंत्री चंद्रकांत पाटील यांचे प्रतिपादन
BOI
Monday, July 08, 2019 | 02:47 PM
15 0 0
Share this article:


बारामती : ‘शासनाच्या वैद्यकीय सहायता योजनांचा लाभ  सर्वसामान्य नागरीकांपर्यत पोहचविण्यासाठी वैद्यकीय क्षेत्रातील ‍ प्रत्येकाने प्रयत्न करावेत,’ असे प्रतिपादन महसूल, सार्वजनिक बांधकाम तथा पुणे जिल्ह्याचे पालकमंत्री चंद्रकांत पाटील यांनी केले.

बारामती हॉस्पिटलला पाटील यांनी सोमवारी भेट दिली. रुग्णालयाच्या विविध कक्षांची त्यांनी पाहणी केली. या वेळी  उपविभागीय अधिकारी हेमंत निकम, तहसिलदार विजय पाटील, बारामती हॉस्पिटलचे अध्यक्ष डॉ. दिलीप लोंढे, उपाध्यक्ष डॉ. जे. जे. शहा, संचालक डॉ. संजय पुरंदरे, संचालक डॉ. गोकुळ काळे आदी उपस्थित होते.


पालकमंत्री पुढे म्हणाले, ‘हॉस्पिटलमध्ये दाखल होणाऱ्या रुग्णांना वेळीच आवश्यक ते उपचार ‍मिळाले पाहिजेत. उपचारासोबतच सर्वसामान्य रुग्णांना महात्मा फुले जनआरोग्य योजना, मुख्यमंत्री सहायता निधी आदी योजंनाबाबत रुग्णालयाच्या व्यवस्थापनाकडून माहिती मिळणे गरजेचे आहे. या मदतीमुळे सर्वसामान्य कुटुंबावरील उपचाराचा आर्थिक ताण कमी होण्यास मदत होईल’.

या वेळी रुग्णालयाच्या व्यवस्थापनाकडून रुग्णांना दिल्या जाणाऱ्या वैद्यकीय सुविधांचा आढावा पाटील यांनी घेतला. ‘शासनाच्या विविध वैद्यकीय योजना व सुविधांचा लाभ सर्वसामान्य रुग्णांना देण्याकरीता विशेष प्रयत्न केले जातील,’ असेही त्यांनी सांगितले.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search