Next
रत्नागिरीतील आनंदीबाई अभ्यंकर बालकमंदिरात गणेशोत्सव उत्साहात सुरू
BOI
Friday, August 30, 2019 | 04:51 PM
15 0 0
Share this article:



रत्नागिरी :
दी न्यू एज्युकेशन सोसायटीच्या आनंदीबाई प. अभ्यंकर बालकमंदिरात ३० ऑगस्टपासून गणेशोत्सवाला सुरुवात झाली. ढोल-ताशांच्या गजरात लाडक्या बाप्पाचे आगमन झाले. 

लहान मुलांना भारतीय संस्कृतीतील सण-उत्सव कळावेत, त्यांच्यावर चांगले संस्कार व्हावेत या हेतूने शाळेत विविध सण साजरे केले जातात. लाडक्या गणपतीबाप्पाला आणताना मुलांनी लेझीमचा आनंद लुटला. खेळघर, तसेच छोट्या आणि मोठ्या शिशुवर्गातील मुलांनी यात भाग घेतला. 

मुख्याध्यापिका मीना रिसबूड यांनी बाप्पांचे स्वागत केले. नंतर एका वर्गामध्ये रोषणाईसह सुंदर आरास करून बाप्पांची प्राणप्रतिष्ठा करण्यात आली. बाप्पांसाठी नैवेद्य म्हणून मोदकासह जिलबी आणि विविध गोडधोड पदार्थ आणण्यात आले. मुलांनी गणपती, शंकर आणि अन्य देवांच्या आरत्या तालासुरात म्हटल्या. मराठी गणपती स्तोत्र, श्लोक त्यांनी म्हटले आणि गणपतीचा नामजपही केला.

शाळेतील उत्सव दोन दिवस साजरा होणार आहे. यानिमित्त मुलांनी शाडूच्या मातीपासून बाप्पाच्या अनेक लहान-लहान मूर्ती, फळे आणि विविध वस्तू बनवल्या. या हस्तकला वस्तूंचे प्रदर्शन शाळेत भरवण्यात आले आहे. शाळा व्यवस्थापक राजीव गोगटे, बालकमंदिरच्या सर्व शिक्षिका, सेविकांनी उत्सव चांगल्या पद्धतीने पार पडण्यासाठी मेहनत घेतली. 

(व्हिडिओ पाहण्यासाठी येथे क्लिक करा.)









 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search