Next
बीएनपी पारिबास डायनॅमिक इक्विटी फंड विक्रीसाठी खुला
BOI
Friday, February 15, 2019 | 04:13 PM
15 0 0
Share this story

पुणे : बीएनपी पारिबास म्युच्युअल फंडाने बीएनपी पारिबास डायनॅमिक इक्विटी फंड बाजारात आणला असून, हा एनएफओ २८ फेब्रुवारीपर्यंत गुंतवणूकीसाठी खुला आहे. या योजनेअंतर्गत इक्विटी, कॅश फ्युचर/ आर्बिट्राज, मनी मार्केट आणि डेट फंडामध्ये गुंतवणूक केली जाणार आहे. 

कार्तिकराज लक्ष्मणन आणि अभिजित डे इक्विटी फंडाचे व्यवस्थापन करणार आहेत, तर मयांक प्रकाश डेट फंडातील गुंतवणूक सांभाळणार आहेत. या फंडासाठीची किमान गुंतवणूक रक्कम पाच हजार रुपये आहे. या फंडसाठी एन्ट्री लोड लागू असणार नाही; मात्र  १२ महिन्यांच्या आत या योजनेतून गुंतवणूकदारांनी दहा टक्क्यांपेक्षा जास्त पैसे काढून घेतले तर एक टक्का एक्झिट लागणार आहे. १२ महिन्यानंतर गुंतवणूक काढल्यास कोणतेही अतिरिक्त शुल्क आकारले जाणार नाही.  

बीएनपी पारिबास म्युच्युअल फंडाचे रिसर्च विभागाचे प्रमुख चोकलिंगम नारायणन्या फंडाबाबत अधिक माहिती देताना बीएनपी पारिबास म्युच्युअल फंडाचे रिसर्च विभागाचे प्रमुख चोकलिंगम नारायणन् म्हणाले, ‘या फंडासाठी इक्विटी आणि आर्बिट्राजमध्ये ६० टक्क्यांपेक्षा जास्त गुंतवणूक करण्यात येणार आहे. सध्या गुंतवणुकीसाठी वातावरण चांगले आहे. क्रूड ऑईलचे दर, चीन आणि अमेरिकेतील व्यापारयुद्ध, अमेरिकेतील फेडरल बँकेचा व्याजदराबाबतचा निर्णय आणि आपल्या देशातील येऊ घातलेल्या लोकसभा निवडणुका या या सर्व घडामोडी शेअर बाजारातील चढ-उतारासाठी महत्त्वाच्या ठरतील. त्यानुसार म्युच्युअल फंडाच्या कामगिरीवर परिणाम होईल. येणाऱ्या आर्थिक वर्षाच्या पहिल्या सहामाहीत या घडामोडी महत्त्वाच्या ठरतील, तर नंतरच्या सहा महिन्यात महागाई, चलनवाढ, सरकारी धोरणे, निर्णय आदी बाबी महत्त्वाच्या ठरतील. अलीकडच्या काळात मागणी वाढत असल्याने गुंतवणूक वाढत आहे. रस्ते, रेल्वे, मेट्रो आदी पायाभूत सुविधा क्षेत्रात गुंतवणूक वाढत आहे. त्याचा अनुकूल परिणाम दिसेल. त्यामुळे म्युच्युअल फंडातील गुंतवणूक फायदेशीर ठरेल.’

डायनॅमिक इक्विटी फंड बाजारमूल्य वाढले की इक्विटीमध्ये कमी प्रमाणात गुंतवतात. याउलट बाजारमूल्य घसरले की इक्विटीतील गुंतवणूक वाढवतात. यातील इक्विटीचे प्रमाण हे मोजणीच्या पद्धतीनुसार बदलते. प्रत्येक फंड गुंतवणुकीची वेगवेगळी पद्धत वापरतो. ही पद्धत एकतर निफ्टी पीईवर आधारित असते किंवा मत्तावाटपाच्या स्वतःच्या पद्धतीवर आधारित असते.
 
15 0 0
Share this story

Post Your Comment
मराठी English
Your Name *
Email
 
Notify me once my comment is published
Comment *
Content limited to 1000 characters,1000 characters remaining.

Select Language
Share Link