Next
‘हायपोग्लायसेमिया’बाबत जागृती करण्यासाठी कार्यशाळा
महाराष्ट्रातील ३०० हून अधिक डॉक्टरांसाठी प्रशिक्षण कार्यक्रमांचे आयोजन
प्रेस रिलीज
Thursday, November 22, 2018 | 02:30 PM
15 0 0
Share this article:

मुंबई : हायपोग्लायसेमिया या स्थितीचा शोध लावणार्‍या डॉ. जेम्स कॉलिप यांच्या जयंतीनिमित्त युनायटेड डायबेटिस फोरम (यूडीएफ) या डायबेटोलॉजिस्ट्सच्या संस्थेतर्फे महाराष्ट्रातील ३०० हून अधिक डॉक्टरांसाठी प्रशिक्षण कार्यक्रमांचे आयोजन करण्यात आले आहे.

या कार्यक्रमांचे आयोजन हे पुणे, औरंगाबाद आणि मुंबईत केले जाणार असून, यात सल्लागार फिजिशिअन्स आणि  साधारण फिजिशिअन्स यांना हायपोग्लायसेमियाचे निदान आणि त्याचे व्यवस्थापन यांचे प्रशिक्षण देण्यात येणार आहे. हायपोग्लायसेमियामुळे एखाद्या व्यक्तीच्या रक्तातील शर्करेचे प्रमाण कमी होऊ लागते. हायपोग्लायसेमियाचे प्रमाण कमी असते त्यावेळी बहुतांश लोकांमध्ये खूप वेळ अन्न घेतले नसल्यास चक्कर येणे किंवा डोळ्यासमोर अंधारी येणे अशी लक्षणे दिसून येतात. मधुमेहींमध्ये रक्तातील साखरेचे प्रमाण कमी (हायपोग्लायसेमिया) होण्याचे कारण म्हणजे इन्सुलिनचे प्रमाण अधिक होणे किंवा रक्तातील शर्करेचे (ग्लुकोज) प्रमाण कमी होणे.  कॅनडातील शास्त्रज्ञ असलेल्या डॉ. कॉलिप यांना सशांमध्ये सर्वप्रथम हायपोग्लायसेमिया आढळून आला. त्यांनी हे ही सिद्ध केले की ग्लुकोजचे इंजेक्शन दिल्यानंतर यावर उपचार करणे शक्य होते.

या विषयी माहिती देताना ‘यूडीएफ’चे डॉ. मनोज चावला  म्हणाले, ‘डॉ. कॉलिप यांच्या या योगदानाची दखल घेणे खूपच आवश्यक होते आणि म्हणूनच आम्ही त्यांचा जन्मदिवस २० नोव्हेंबर हा जागतिक हायपोग्लायसेमिया दिन म्हणून साजरा करतो. हायपोग्लायसेमियाचा मधुमेहींवर अधिक परिणाम होताना दिसतो. अनेक रुग्णांमध्ये आणि त्यांच्या कुटुंबातही मधुमेहावर उपचार करत असताना हा धोका नेहमीच असतो. हायपोग्लायसेमियाचा धोका हा नेहमीच मधुमेहावर नियंत्रण मिळवताना असतोच. डॉक्टर आणि रुग्ण या दोघांचेही याकडे असलेल्या दुर्लक्षामुळे या धोका असतो. याबाबत चांगली माहिती मिळवल्यास यात सुधारणा होऊ शकते.’
 
‘मधुमेहींमध्ये हायपोग्लायसेमिया होण्याची अनेक कारणे आहे. अधिक प्रमाणात इन्सुलिन घेणे किंवा मधुमेहाच्या औषधाचे अधिक प्रमाणात सेवन करणे, जेवण न घेणे किंवा गरजेपेक्षा अधिक व्यायाम आदी कारणांचा यात समावेश आहे. या लक्षणांकडे वेळीच लक्ष दिले व लवकरात लवकर रक्तातील शर्करेचे प्रमाण वाढवले, तर चांगला परिणाम दिसून येतो; पण हा छोट्या कालावधीचा उपाय आहे. फळांचा रस पिणे, ग्लुकोजची गोळी घेणे यांमुळे रक्तातील शर्करेचे प्रमाण लवकरात लवकर सामान्य होऊ शकते,’ डॉ. चावला म्हणाले.

‘यूडीएफ’चे डॉ. राजीव कोविल म्हणाले, ‘भारतात सुमारे ७२.९ दशलक्ष लोक मधुमेही आहेत आणि म्हणूनच  हायपोग्लायसेमियाच्या अशा अनेक केसेस असू शकतात. ग्लुकोज नियंत्रणात सुधारणा आणण्यात हायपोग्लायसेमिया हा एक मोठा अडथळा असतो. अनेक फिजिशियन्स हे रुग्णावर इलाज करताना खूप जड अशी औषधे देतात; पण ते हायपोग्लायसेमियाचा विचार करत नाहीत. नवीन अल्ट्रा लाँग इन्सुलिनचा वापर केल्याने हायपोग्लायसेमियाच्या केसेस कमी होताना दिसत आहेत.’

महुमेहाच्या नियंत्रणासाठी सातत्याने अशा कार्यशाळांचे आयोजन केले जाणार असल्याचे ‘यूएफडी’च्या डॉ. तेजस शहा यांनी सांगितले.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search