Next
जागतिक फळबिया लागवड दिवसानिमित्त रविवारी वृक्षारोपण
प्रेस रिलीज
Saturday, July 14 | 05:13 PM
15 0 0
Share this story

पुणे : दि इंडियन इन्स्टिटयूट ऑफ चार्टर्ड अकौंटंटस ऑफ इंडिया आणि वेस्टर्न इंडिया चार्टर्ड अकाउंटंट्स स्टुडंट्स असोसिएशन (डब्ल्यूआयसीएएसए) यांच्यातर्फे जागतिक फळबिया लागवड दिवसानिमित्त रविवारी,१५ जुलै रोजी सकाळी नऊ ते दुपारी दोन या वेळेत अॅटोमोटिव्ह रिसर्च असोसिएशन ऑफ इंडियाच्या (एआरएआय) टेकडीवरील भांबुर्डा वन परिसरात वृक्षारोपण करण्यात येणार आहे. 

गेल्या वर्षी या उपक्रमाला उत्तम  प्रतिसाद मिळाला होता. जागतिक फळबिया लागवड दिवसानिमित्त १५ जुलै रोजी ५५ हजार ५५५ फळबिया लावण्याचे उद्दिष्ट होते. प्रत्यक्षात मात्र एक लाख तीन हजारपेक्षा अधिक फळबियांची लागवड झाली. यंदाही पर्यावरण संवर्धनात भरीव योगदान देण्याचे उद्दिष्ट समोर ठेवून सीए व विद्यार्थी या उपक्रमात सहभागी होणार आहेत. आयसीएआयच्या  पुणे विभागात सात हजार २०० सीए आणि २२ हजार पेक्षा अधिक विद्यार्थी सभासद आहेत. 

‘या उपक्रमात जास्तीत जास्त संख्येने सहभागी होऊन पर्यावरण संवर्धनात योगदान द्यावे’, असे आवाहन आयसीएआय पुणे विभागाचे चेअरमन सीए आनंद जाखोटिया आणि आयसीएआयच्या डब्ल्यूआयसीएएसएच्या पुणे विभागाचे चेअरमन सीए राजेश अगरवाल यांनी केले आहे.
 
15 0 0
Share this story

Post Your Comment
मराठी English
Your Name *
Email
 
Notify me once my comment is published
Comment *
Content limited to 1000 characters,1000 characters remaining.

Select Language
Share Link