Next
‘तंबाखूविरोधात विविध स्तरांवर प्रयत्न आवश्यक ’
डॉ. अशोक भणगे यांचे प्रतिपादन
BOI
Thursday, May 30, 2019 | 06:02 PM
15 0 0
Share this article:

पुणे : ‘३१ मे हा दर वर्षी ‘वर्ल्ड नो टोबॅको डे’ म्हणून साजरा केला जातो. या वर्षीची संकल्पना ही ‘टोबॅको अँड लंग हेल्थ’ असून, तंबाखूचा फुप्फुसाच्या आरोग्यावर होणारा घातक परिणाम अधोरेखित करते. फुप्फुसाला होणाऱ्या कर्करोगांमध्ये तंबाखू व तंबाखूजन्य उत्पादनांचा सर्वांत मोठा वाटा आहे. त्यामुळेच तंबाखूविरोधात विविध स्तरांवर प्रयत्न करून वेळीच आळा घालणे महत्त्वाचे आहे,’ असे मत रूबी हॉल क्लिनिकच्या कमलनयन बजाज सेंटरचे अध्यक्ष डॉ. अशोक भणगे यांनी व्यक्त केले.

ते पुढे म्हणाले, ‘धुम्रपान व तंबाखूचे सेवन हे फक्त फुप्फुसावर परिणाम करीत नाहीत, तर मुखाचा, जिभेचा अन्ननलिका व श्वामसनलिकांचा कर्करोग यांसह इतर अवयवांनाही धोका पोहचवितात. भारतात ९० टक्क्यांहून अधिक फुप्फुसाचे कर्करोग हे तंबाखू सेवनाने होतात. तंबाखू सेवन करणाऱ्या लोकांमध्ये वंध्यत्वाचा धोकाही निर्माण होऊ शकतो; तसेच मधुमेह, हदयरोग, पॅरालिसिस याचादेखील धोका बळावू शकतो. याशिवाय शरीरावर बाहेरून दिसणाऱ्या  परिणामांमध्ये (कॉस्मॅटिक इफेक्टस) मध्ये ओठ काळे पडणे, तोंडामध्ये पांढरे किंवा लाल चट्टे दिसणे, दात खराब दिसणे, त्वचेवर परिणाम होणे, तोंडातून दुर्गंधी येणे यांचा समावेश आहे.’

रूबी हॉल क्लिनिकच्या आँकोलॉजी विभागाचे संचालक डॉ. मिनिष जैन म्हणाले, ‘तरूणांना तंबाखूच्या विळख्यातून वेळीच बाहेर काढणे गरजेचे आहे. यासाठी विविध वयोगटांत जनजागृती, वैद्यकीय क्षेत्रातील  लोकांचा विविध उपक्रमांमध्ये सहभाग, तंबाखूवरचा कर वाढविणे यांसारखे अनेक प्रयत्न एकत्रितरित्या करणे गरजेचे आहे.’  
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search