Next
‘ललित २०५’ने गाठला १०० भागांचा टप्पा
प्रेस रिलीज
Wednesday, November 28, 2018 | 05:03 PM
15 0 0
Share this article:



मुंबई : ‘स्टार प्रवाह’ वाहिनीवरील ‘ललित २०५’ या मालिकेचे नुकतेच १०० भाग पूर्ण झाले. यानिमित्ताने सेटवर केक कापून सेलिब्रेशन करण्यात आले. या प्रसंगी मालिकेचे निर्माते सुचित्रा बांदेकर आणि सोहम बांदेकर यांनी सेटवर हजेरी लावत कलाकारांसोबत आनंद साजरा केला.

‘ललित २०५’ ही मालिका सोमवार ते शनिवारदरम्याने रात्री ८.३० वाजता प्रसारित केली जाते. या मालिकेचे शंभर भाग पूर्ण झाल्यामुळे सेटवर उत्साहाचे वातावरण होते. निर्माता म्हणून सोहम बांदेकरची ही पहिलीच मालिका असल्यामुळे तो खूपच आनंदात होता.



‘ललित २०५ या मालिकेच्या निमित्ताने खूप गोष्टी शिकता आल्या. नवी माणसे भेटली. त्यामुळे सर्वांशी कामासोबतच इमोशनल बाँडिंग झाले आहे. यासाठी मी ‘स्टार प्रवाह’चे मनापासून आभार मानतो, कारण त्यांच्यामुळे मला ही  संधी मिळाली,’ अशा भावना निर्माता सोहमने या वेळी व्यक्त केल्या.

‘शंभर भाग ही खरतर सुरुवात आहे. ‘ललित २०५’ मालिकेच्या यापुढील भागांमध्येही नवनवी वळणे येऊन मालिकेचे कथानक अधिक रंजक होणार आहे. त्यासाठी संपूर्ण टीम मेहनत घेत आहे. प्रेक्षकांनी या मालिकेवर भरभरूरुन प्रेम केले असून, यापुढेही करतील,’ असा विश्वास नील राजाध्यक्षची भूमिका साकारणाऱ्या संग्राम समेळने व्यक्त केला.


 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search