Next
शरद पवार यांच्या जन्मदिनानिमित्त ‘लेणे प्रतिभेचे’
बाबूजी, गदिमा आणि पुलंच्या गीतांचा विशेष कार्यक्रम
BOI
Monday, December 10, 2018 | 05:51 PM
15 0 0
Share this story

पुणे : मराठी माणसाच्या मनात आपली एक खास जागा निर्माण केलेले श्रेष्ठ संगीतकार सुधीर फडके, गीतकार ग. दि. माडगूळकर आणि लेखक पु. ल. देशपांडे या त्रिमूर्तीच्या अवीट गोडीच्या गीतांचा आनंद घेण्याची संधी पुणेकरांना ‘लेणे प्रतिभेचे’ या कार्यक्रमाद्वारे मिळणार आहे. बुधवारी, १२ डिसेंबर रोजी सायंकाळी साडे चार वाजता बालगंधर्व रंगमंदिर येथे हा कार्यक्रम होणार असून, तो सर्वांसाठी विनामूल्य खुला आहे.

राष्ट्रवादी काँग्रेस पक्षाचे संस्थापक शरद पवार यांच्या जन्मदिवसाच्या निमित्ताने अशोक राठी आणि मनाली भिलारे यांच्या पुढाकाराने ‘लेणे प्रतिभेचे’ हा नृत्यसंगीताचा कार्यक्रम आणि सन्मान सोहळ्याचे आयोजन करण्यात आले आहे. या कार्यक्रमात ज्येष्ठ व्हायोलिन वादक प्रभाकर जोग आणि ज्येष्ठ अभिनेते श्रीकांत मोघे यांचा विशेष सन्मान करण्यात येणार आहे. राष्ट्रवादीचे प्रदेशाध्यक्ष जयंत पाटील आणि माजी उपमुख्यमंत्री छगन भुजबळ यांच्या हस्ते त्यांना गौरवण्यात येणार आहे.    

सुधीर फडके, ग. दि. माडगूळकर आणि पु. ल. देशपांडे यांनी अजरामर केलेली गीते आणि त्यावरील नृत्ये ‘लेणे प्रतिभेचे’ या कार्यक्रमात सादर केली जाणार आहेत. 

या कार्यक्रमाची निर्मिती व संकल्पना सुनिल महाजन यांची आहे. मुलाखतकार सुधीर गाडगीळ हे प्रभाकर जोग आणि श्रीकांत मोघे यांची मुलाखत घेणार आहेत. जोग आणि मोघे यांच्या सुधीर फडके, गदिमा आणि पुलंविषयी काय आठवणी आहेत ते या वेळी रसिकांना जाणून घेता येणार आहे.

कार्यक्रमाविषयी :
शरद पवार यांच्या वाढदिवसानिमित्त ‘लेणे प्रतिभेचे’ 
स्थळ : बालगंधर्व रंगमंदिर
दिवस व वेळ : बुधवार, १२ डिसेंबर, सायंकाळी साडे चार वाजता
 
15 0 0
Share this story

Post Your Comment
मराठी English
Your Name *
Email
 
Notify me once my comment is published
Comment *
Content limited to 1000 characters,1000 characters remaining.

Select Language
Share Link