Next
परब्रह्म असा जो तुकावा
BOI
Friday, March 22, 2019 | 10:15 AM
15 0 0
Share this article:

तुकाराम गाथेच्या माध्यमातून तुकाराम महाराज यांनी साध्या-सोप्या, पण तितक्याच मार्मिक अभंगाद्वारे जीवन व्यवहाराचे मार्गदर्शनपर भाष्य मांडले आहे. परमपूज्य सद्गुरू श्री वासुदेव वामन गुरुजी यांनी ‘परब्रह्मरूपी असा जो तुकावा’ या पुस्तकातून तुकाराम महाराजांच्या निवडक अभंगांचे साध्या व सरळ भाषेत विश्लेषण केले आहे.

एक सामान्य संसारी मनुष्य ते असामान्य संतपदापर्यंतची तुकाराम महाराजांची वाटचाल त्यांच्याच अभंगातून उलगडत त्यांच्या चरित्राचे विविध पैलू यात मांडले आहेत. समाज प्रबोधनासाठी रचलेले अभंग समजावून देताना लेखकाने तुकाराम महाराजांच्या स्वभावातील बारकावेही सांगितले आहेत. तुकाराम महाराजांची विठ्ठलावर असलेली अधिकार भक्ती, निःस्पृह अयाचित वृत्ती, साडेतोड रोखठोक भाषा आणि त्यातून उमटलेली समाजाविषयीची कळकळ, विषमतेचा विरोध, असे अनेक यात आले आहेत.

तुकाराम महाराजांच्या अभंगांतून व्यक्त होणाऱ्या तत्त्वज्ञानाची ओळख करून देताना शेक्सपिअर आणि विल्यम वर्डस्वर्थ या प्रतिभावंतांच्या रचनाही अभ्यासल्या आहेत आणि त्यांची सांगड अभंगांशी घातली आहे. विषयाच्या अधिक स्पष्टीकरणासाठी चित्रेही दिली आहेत.

पुस्तक : परब्रह्मरूपी असा जो तुकावा
लेखक : वासुदेव वामन बापट गुरुजी
प्रकाशक : यज्ञेश्वर प्रकाशन
पाने : २१८
किंमत : २०० रुपये

(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)


 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search