Next
वंचित विकास संस्थेतर्फे वीरमाता-वीरपत्नींचा सन्मान
BOI
Wednesday, March 13, 2019 | 03:20 PM
15 0 0
Share this article:

पत्रकार परिषदेत माहिती देताना (डावीकडून) सुनीता जोगळेकर, विजयकुमार मर्लेचा, मीना कुर्लेकर, मीनाक्षी नवले.

पुणे : ‘नुकत्याच झालेल्या जागतिक महिला दिनाच्या पार्श्वभूमीवर जाणीव संघटना व वंचित विकास संस्थेतर्फे पुणे जिल्ह्यातील वीरमाता व वीरपत्नींचा सन्मान करण्यात येणार आहे. देशाच्या सीमेवर संरक्षण करताना वीरमरण आलेल्या सैनिकांप्रती व त्यांच्या कुटुंबीयांप्रती कृतज्ञता व्यक्त करण्याच्या भावनेतून या सोहळ्याचे आयोजन आले आहे,’ अशी माहिती वंचित विकास संस्थेचे अध्यक्ष विजयकुमार मर्लेचा, संचालिका मीना कुर्लेकर, सुनिता जोगळेकर, कार्यकर्त्या मीनाक्षी नवले यांनी पत्रकार परिषदेत दिली. 

विजयकुमार मर्लेचा म्हणाले, ‘रविवारी, १७ मार्च २०१९ रोजी सकाळी ११.३० वाजता कर्वे रस्त्यावरील अश्वमेध सभागृहात हा सन्मान सोहळा होणार आहे. जिल्हा सैनिक बोर्डाचे मेजर मिलिंद तुंगार, सूरज मांढरे व ब्रिगेडियर रघुनाथ जठार हे सोहळ्यासाठी प्रमुख पाहुणे म्हणून उपस्थित राहणार आहेत. मानचिन्ह, श्रीफळ व पुष्प असे या सन्मानाचे स्वरुप आहे.’

मीना कुर्लेकर म्हणाल्या, ‘देशासाठी बलिदान देणाऱ्या, सैनिकांच्या कुटुंबीयांबरोबर काम करण्यासाठी संस्था नेहमीच प्रयत्नशील आहे. सैनिकांनी व त्यांच्या कुटुंबीयांनी केलेल्या त्यागाला मानवंदना देण्यासाठी हा कार्यक्रम आहे. एकूण ५६ वीरमाता, वीरपत्नींचा सन्मान करण्यात येणार आहे. गौरी कुलकर्णी व मंजिरी तिक्का यांच्या गायनाचा कार्यक्रमही या वेळी होणार आहे. हा कार्यक्रम सर्वांसाठी विनामूल्य खुला आहे.’
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search