Next
अमित बागुल आणि मित्रपरिवारातर्फे दिव्यांग जवानांचा सन्मान
प्रेस रिलीज
Wednesday, January 30, 2019 | 04:12 PM
15 0 0
Share this story



पुणे : ‘त्यांचे’ आयुष्य आज व्हीलचेअरवर आहे कारण देशासाठी आपल्या प्राणांची बाजी लावताना त्यांना अपंगत्व आले आहे. असे असूनही दुर्दम्य इच्छाशक्ती आणि कठोर निर्धाराच्या बळावर आजही ते देशासाठी पुन्हा लढण्याचे स्वप्न बाळगून आहेत. शरीर अपंग असले, तरी मनाने तंदुरुस्त असलेल्या जवानांचा-लष्करी अधिकाऱ्यांचा विशेष सन्मान अमित बागुल मित्रपरिवारातर्फे करण्यात आला. प्रजासत्ताक दिनानिमित्त खडकी येथील पॅराप्लेजिक रिहॅबिलिटेशन सेंटरमधील जवानांच्या शौर्य, हिंमत, जिद्द आणि दुदर्म्य इच्छाशक्तीला सलाम करण्यात आला.

माजी उपमहापौर व महाराष्ट्र प्रदेश काँग्रेसचे प्रतिनिधी आबा बागुल यांच्या पुढाकारातून शहर काँग्रेसचे सरचिटणीस अमित बागुल आणि मित्रपरिवारातर्फे ९१ जवानांचा-लष्करी अधिकाऱ्यांचा तिरंगी फेटे, शाल, श्रीफळ आणि सन्मानचिन्ह देऊन विशेष सन्मान करण्यात आला.  

या वेळी संयोजक अमित बागुल म्हणाले, ‘देशाच्या सीमेवर तळहातावर प्राण घेऊन खडा पहारा देणारे सैनिक, त्यांची देशसेवा, प्रेम आणि जिद्द जितकी महत्त्वाची तितकीच त्यांची सहनशीलताही. आज व्हीलचेअरवर त्यांचे आयुष्य आहे; पण त्यांची विलपॉवर पाहिली कल, त्याग काय आहे हे समजते. देशासाठी लढणाऱ्या सैनिकांप्रती त्यांच्या कुटुंबीयांप्रती आस्था ठेवण्याची गरज आहे.’



या वेळी पॅराप्लेजिक रिहॅबिलिटेशन सेंटरचे वैद्यकीय संचालक डॉ. कर्नल आर. के. मुखर्जी यांचाही विशेष सत्कार  करण्यात आला. या उपक्रमात सागर आरोळे, इम्तियाज तांबोळी, अभिषेक बागुल, धनंजय कांबळे, राहुल जाधव, आप्पासाहेब गायकवाड, समीर शिंदे, विक्रांत गायकवाड, शुभम डफळ, आकाश गायकवाड, मोहन कदम, भाऊ दोडके आणि सहकारी उपस्थित होते.
 
15 0 0
Share this story

Post Your Comment
मराठी English
Your Name *
Email
 
Notify me once my comment is published
Comment *
Content limited to 1000 characters,1000 characters remaining.

Select Language
Share Link