इंद्रायणी विद्यामंदिर संस्थेच्या तळेगाव दाभाडे येथील इंद्रायणी महाविद्यालयाच्या कांतीलाल शहा सभागृहात केरळ पूरग्रस्त मदतनिधी हस्तांतरण व गुणवंत विद्यार्थी सत्कार समारंभाचे आयोजन करण्यात आले होते. त्यावेळी ते बोलत होते. या वेळी विद्यापीठाच्या विद्यार्थी विकास मंडळ व राष्ट्रीय सेवा योजनेचे संचालक डॉ. प्रभाकर देसाई, संस्थेचे अध्यक्ष व माजी आमदार कृष्णराव भेगडे, कार्यवाह रामदास काकडे, खजिनदार केशवराव वाडेकर, महाविद्यायालाचे प्राचार्य डॉ. संभाजी मलघे, निरूपा कानिटकर, प्राचार्य बी. बी. जैन, प्राचार्य एन. शिंदे आदी मान्यवर उपस्थित होते.

‘विद्यार्थी जेव्हा मोठा होतो तेव्हा विद्यापीठही आपोआप मोठे होत असते. आपण नुसते नोकरी शोधणारे न होता नोकरी देणारेही व्हावे’, असे आवाहनही डॉ. करमळकर यांनी या वेळी केले.

यानंतर संस्थेचे अध्यक्ष भेगडे यांनी मनोगत व्यक्त करताना विद्यार्थी, प्राध्यापक यांनी केरळ पुरग्रस्थासाठी मोठा निधी संकलित केल्याबद्दल आभार मानले; तसेच करिअर मार्गदर्शन व कौशल्य विकास केंद्र स्थापण्याबाबतचा मनोदयही व्यक्त केला.

या वेळी पाच लाखांचा निधी संकलनाचा धनादेश कुलगुरूंकडे सुपूर्द करण्यात आला. या प्रसंगी कुलगुरूंच्या हस्ते पूजा माने, सानिया खान, प्रतिक्षा काळेबगा, निशिगंधा लिबोरे, स्वाती बधाले, जुई जांभुळकर, सुनीता बोंबले, धनश्री मुनोत, श्वेता ठोसर, आकांक्षा झवेरी, वैभवी परदेशी, महेश असवले आदी गुणवंत विद्यार्थ्यांचा सत्कार करण्यात आला.