Next
पुण्यात स्पर्धा परीक्षा महोत्सवाचे १८ जूनला उद्घाटन
BOI
Monday, June 17, 2019 | 06:27 PM
15 0 0
Share this article:

पुणे : स्पर्धा परीक्षेचा अभ्यास करणार्‍या तरुणाईला योग्य मार्गदर्शन व करिअरला दिशा मिळण्यासाठी आयोजित केलेल्या स्पर्धा परीक्षा महोत्सवाचे उद्घाटन १८ जून २०१९ रोजी सकाळी १० वाजता स्वारगेट येथील गणेश कला क्रीडामंच येथे होणार आहे. या प्रसंगी मुख्यमंत्र्यांचे मुख्य सचिव भूषण गगराणी, माजी परराष्ट्र सचिव ज्ञानेश्वर मुळे, महाराष्ट्र लोकसेवा आयोगाचे माजी अध्यक्ष मधुकर कोकाटे, स्टडी सर्कलचे संचालक डॉ. आनंद पाटील, बारामती ऍग्रो लिमिटेडचे मुख्य कार्यकारी अधिकारी रोहित पवार या महोत्सवाच्या उद्घाटनप्रसंगी विद्यार्थ्यांना करणार आहेत. 

सृजन फाउंडेशनच्या व एमपीएससी स्टुडंट्स राइट्स यांच्या संयुक्त विद्यमाने वास्तव, भवितव्य व दिशा या संकल्पनेवर आधारित हा स्पर्धा परीक्षा महोत्सव १८ ते २० जून या कालावधीत सकाळी १० ते रात्री आठ या वेळेत आयोजित केला आहे. केंद्रीय-राज्य लोकसेवा आयोग, बँकिंग, स्टाफ सिलेक्शन कमिशन, रेल्वे अशा स्पर्धा परीक्षांविषयी विद्यार्थ्यांना या महोत्सवात माहिती उपलब्ध करुन दिली जाणार आहे. उद्घाटनानंतर ज्येष्ठ पत्रकार उत्तम कांबळे, गिरीश कुबेर व लेखक अच्युत गोडबोले यांची व्याख्याने होणार आहेत.

महोत्सवाच्या दुसऱ्या दिवशीच्या पहिल्या सत्रात माजी सनदी अधिकारी इंद्रजित देशमुख, पोलीस अधीक्षक संदीप पाटील, यूपीएससी टॉपर तृप्ती धोडमिसे, स्वाती दाभाडे मार्गदर्शन करणार आहेत. त्यानंतर ‘एमकेसीएल’चे संचालक विवेक सावंत, ‘बीव्हीजी’चे हनुमंतराव गायकवाड, रूरल रिलेशन्सचे प्रदीप लोखंडे, पोलीस अधीक्षक तेजस्विनी सातपुते विविध विषयांवर विद्यार्थ्यांना संबोधित करतील. गुरुवारी (२० जून) लोकसेवा आयोगाचे माजी अध्यक्ष विठ्ठल मोरे, माजी विभागीय आयुक्त चंद्रकांत दळवी, अपंग कल्याण आयुक्त बालाजी मंजुळे, सनदी अधिकारी रमेश घोलप, स्नेहल धायगुडे मार्गदर्शन करतील.

महोत्सवाचा समारोप २० जूनला सायंकाळी सहा वाजता होईल. या वेळी उद्योजक सतीश मगर, माजी प्रधान सचिव महेश झगडे, तामिळनाडूतील जिल्हाधिकारी आनंद पाटील, सीईओ डॉ. राजेंद्र भारूड व रोहित पवार उपस्थित असणार आहेत. याबरोबरच प्रत्येक दिवशी दुपारच्या सत्रात क्लासेसचे मार्गदर्शन ठेवण्यात आले आहे.

महोत्सवाविषयी :
कालावधी : १८ ते २० जून २०१९
वेळ : सकाळी १० ते रात्री आठ
स्थळ : गणेश कला क्रीडामंच, स्वारगेट, पुणे. 
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search