Next
चित्पावन मंडळाच्या मुलींच्या वसतिगृहात कक्षाचे नामकरण
BOI
Wednesday, May 22, 2019 | 05:29 PM
15 0 0
Share this article:

यशोदय कक्ष नामकरण सोहळ्याप्रसंगी देणगीदार यशवंत जोशी, सौ. शुभदा जोशी, राजन पटवर्धन, डॉ. संतोष बेडेकर, डॉ. सुभाष देव, राजाभाऊ लिमये, श्रीनिवास जोशी, नारायण शेवडे.

रत्नागिरी : अखिल चित्पावन ब्राह्मण विद्यार्थी सहायक मंडळाचे ज्येष्ठ सदस्य तथा केळकर हायस्कूल (वाडा, ता.  देवगड, जि. सिंधुदुर्ग) येथील निवृत्त शिक्षक दांपत्य यशवंत व शुभदा जोशी यांनी मंडळाच्या ब्राह्मण मुलींच्या वसतिगृहाला पाच लाख रुपयांची देणगी दिली. त्यांच्या देणगीतून वसतिगृहातील कक्षाचे यशोदय कक्ष असे नामकरण करण्यात आले.

मंडळाचे ल. वि. केळकर विद्यार्थी वसतिगृह अनेक वर्षे सुरू आहे. मुलींच्या शिक्षणासाठी दोन वर्षांपासून जोशी पाळंद येथे वसतिगृह सुरू करण्यात आले. त्यातील कक्षाला जोशी यांच्या देणगीतून नाव देण्यात आले. या कार्यक्रमाला यशवंत जोशी, सौ. शुभदा जोशी, कार्याध्यक्ष श्रीनिवास जोशी, कार्यवाह राजन पटवर्धन, सदस्य नारायण शेवडे, डॉ. संतोष बेडेकर, डॉ. सुभाष देव यांच्यासमवेत मंडळाचे सदस्य उपस्थित होते.

बोलताना देणगीदार यशवंत जोशी.

या वेळी बोलताना डॉ. देव म्हणाले, ‘मुलांच्या उज्ज्वल भविष्यासाठी, चांगले संस्कार होण्यासाठी जबाबदार पालकाची गरज असते; तसेच मुलांना समाजात चांगले शिक्षण आणि त्यासाठी राहण्याची चांगली सोय हवी. चित्पावन मंडळाने ही सोय करून त्यांच्यावर जबाबदार पालक म्हणून लक्ष ठेवले आहे. समाजात अशा वसतिगृहांची गरज आहे.’

यशवंत जोशी यांनी ल. वि. केळकर वसतीगृहाची आधीची परिस्थिती आणि सध्याची स्थिती याबद्दल आनंद व्यक्त केला; तसेच मुलींच्या वसतिगृहाबद्दल समाधान व्यक्त केले. कार्यक्रमाचे अध्यक्ष व नारळ बोर्डाचे माजी संचालक राजाभाऊ लिमये मुलांचे वसतिगृह पाहून त्याबद्दल समाधान व्यक्त केले. 

श्रीनिवास जोशी यांनी प्रास्ताविक करताना वसतिगृहाची माहिती दिली. काहींनी मनोगत व्यक्त करत सरांबद्दल असणारे प्रेम व्यक्त केले. वसतिगृहातील विद्यार्थिनी पूर्वा जोगळेकर हिने सूत्रसंचालन केले. या वेळी मंडळाचे सभासद उपस्थित होते.

यशवंत जाेशी यांचा सत्कार करताना  डॉ. सुभाष देव
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.
COMMENTS
Sheetal Aradkar About 8 Days ago
Mama really superb job.
0
0

Select Language
Share Link
 
Search