Next
डॉ. चित्रा गोस्वामी मुंबई विद्यापीठाच्या हिंदी अभ्यास मंडळावर
BOI
Thursday, August 23 | 12:02 PM
15 0 0
Share this story

डॉ. चित्रा गोस्वामीरत्नागिरी : गोगटे-जोगळेकर महाविद्यालयातील डॉ. चित्रा गोस्वामी यांची मुंबई विद्यापीठाच्या हिंदी अभ्यास मंडळावर (बीओएस) निवड झाली आहे. गेली १४ वर्षे त्या महाविद्यालयाच्या वरिष्ठ विभागात हिंदीच्या प्राध्यापिका आहेत. 

२०१५ ते २०१७ या कालावधीत त्यांनी कला शाखेचे उपप्राचार्यपद भूषविले. त्याआधी २००८ ते २०१४पर्यंत राष्ट्रीय सेवा योजना (एनएसएस) विभागाच्या कार्यक्रमाधिकारी म्हणून त्यांनी प्रभावी काम केले. रत्नागिरी एज्युकेशन सोसायटीच्या त्या आजीव सभासद असून, संस्थेच्या विविध समित्यांवर त्या कार्यरत आहेत. हिंदी विभागात त्या ‘यूजी’ ते ‘पीजी’ स्तरावर अध्यापन करतात. मुंबई विद्यापीठात हिंदी विषयाच्या पीएचडी गाइड म्हणून त्यांना मान्यता आहे. 

मॉरिशस व रोड्रिगो येथे झालेल्या आंतरराष्ट्रीय चर्चासत्रांत त्यांनी सहभाग घेतला आहे. त्यांची हिंदी व मराठीतील १२ पुस्तके, ४० शोधनिबंध आणि ३३ लेख प्रकाशित झाले आहेत. ‘यूजीसी, दिल्ली’चा बृहद् शोधप्रकल्प व मुंबई विद्यापीठाचा लघु शोधप्रकल्पही त्यांनी पूर्ण केला आहे. रत्नागिरी आकाशवाणी केंद्रावरही त्यांचे कार्यक्रम होतात. तसेच शाळा व महाविद्यालय स्तरावर त्या हिंदी विषयाचे मार्गदर्शन करतात. त्यांना विद्यापीठातर्फे ‘एनएसएस’च्या उत्कृष्ट कार्यक्रमाधिकारी म्हणून दोनदा पुरस्कार मिळाला आहे. त्यांच्या या कार्याची दखल घेऊन मुंबई विद्यापीठाच्या हिंदी अभ्यास मंडळावर थेट कुलगुरूंकडून त्यांचे नामनिर्देशन करण्यात आले आहे. त्यांच्या यशाबद्दल संस्थेच्या कार्याध्यक्षा शिल्पाताई पटवर्धन, पदाधिकारी, प्राचार्य डॉ. किशोर सुखटणकर, हिंदी विभागप्रमुख डॉ. शाहू मधाळे आदींनी त्यांचे अभिनंदन केले आहे. 
 
15 0 0
Share this story

Post Your Comment
मराठी English
Your Name *
Email
 
Notify me once my comment is published
Comment *
Content limited to 1000 characters,1000 characters remaining.

Select Language
Share Link