Next
रत्नागिरीतील भाट्ये पुलावरून झिपलाइन, रॅपलिंग
रत्नदुर्ग माउंटेनीअर्स संस्थेचा उपक्रम
BOI
Wednesday, October 03 | 01:45 PM
15 0 0
Share this story



रत्नागिरी :
महात्मा गांधी आणि माजी पंतप्रधान लालबहादूर शास्त्री यांच्या जयंतीचे औचित्य साधून, दोन ऑक्टोबर २०१८ रोजी रत्नदुर्ग माउंटेनीअर्स संस्थेने रत्नागिरीतील भाट्ये पुलावरून झिपलाइन व रॅपलिंग या दोन साहसी क्रीडा प्रकारांचे आयोजन केले होते. रत्नागिरीतील पर्यटनवाढीसाठी हा उपक्रम राबविण्यात आला होता. याकरिता महाराष्ट्र पर्यटन विकास महामंडळाने त्यांना प्रोत्साहन दिले आहे.

नुकत्याच झालेल्या जागतिक पर्यटन दिनी रत्नदुर्ग माउंटेनीअर्स संस्थेचा हृद्य सत्कारही करण्यात आला आहे. ‘रत्नदुर्ग’तर्फे भाट्ये टेबल पॉइंट येथे व्हॅली क्रॉसिंग, तसेच रत्नदुर्ग किल्ल्याच्या पायथ्याशी असलेल्या गुहेतील पर्यटनाचा आस्वाद अनेक पर्यटकांनी घेतला आहे. आता भाट्ये पुलावरून झिपलाइन व रॅपलिंग या नव्या अॅक्टिव्हिटी सुरू झाल्या.



या साहसी क्रीडा प्रकारांचा आनंद ‘एमटीडीसी’चे रत्नागिरीतील वरिष्ठ व्यवस्थापक जगदीश चव्हाण व कार्यालयातील कर्मचाऱ्यांनी घेतला. या वेळी नगराध्यक्ष राहुल पंडित यांनीही उपस्थित राहून ‘रत्नदुर्ग’च्या कार्याचे कौतुक केले आणि स्वतःही या खेळांचा आनंद लुटला. या वेळी त्यांच्या मातोश्रीसुद्धा आल्या होत्या. या क्रीडा प्रकारांचा आनंद रत्नागिरीतील ३० नागरिक आणि लहान मुलांनी लुटला. 

कार्यक्रम यशस्वी होण्यासाठी रत्नदुर्ग माउंटेनीअर्सचे फिल्ड इन्चार्ज जितेंद्र शिंदे, गणेश चौघुले, अध्यक्ष शेखर मुकादम, उपाध्यक्ष वीरेंद्र वणजू, उपाध्यक्षा नेत्रा राजेशिर्के, सेक्रेटरी संजय खामकर व पराग सुर्वे, किशोर सावंत, हर्ष जैन, प्राजक्ता राऊत, प्रांजली चोप्रा, त्रिविक्रम शेंडे, हर्षल चौघुले, संतोष दैत, शैलेश नार्वेकर, नित्यानंद भुते या सभासदांनी मेहनत घेतली.

(रत्नागिरीचे नगराध्यक्ष राहुल पंडित यांच्यासह अनेकांनी साहसी खेळांचा आनंद कसा लुटला ते पाहा सोबतच्या व्हिडिओत. रत्नदुर्ग माउंटेनीअर्स या संस्थेच्या उपक्रमांबद्दल वाचण्यासाठी येथे क्लिक करा.)

 
15 0 0
Share this story

Post Your Comment
मराठी English
Your Name *
Email
 
Notify me once my comment is published
Comment *
Content limited to 1000 characters,1000 characters remaining.

Select Language
Share Link