Next
नरवीर तानाजी वाडी येथे सामूहिक अथर्वशीर्ष पठण
प्रेस रिलीज
Wednesday, September 19, 2018 | 02:12 PM
15 0 0
Share this article:

पुणे : नरवीर तानाजी वाडी येथील नरवीर तानाजी तरुण मंडळाच्या सुवर्णमहोत्सवानिमित्त मंगळवारी (१८ सप्टेंबर) महिलांचे सामूहिक गणपती अथर्वशीर्ष पठण आयोजित करण्यात आले होते. ‘ओम नमस्ते गणपतये.. त्वमेव प्रत्यक्षं तत्वमसि’ या पवित्र मंत्रोच्चारात २०० हून अधिक महिलांनी सामूहिक गणपती अथर्वशीर्ष पठण करून गणरायाची आराधना केली.

यामध्ये वडगाव धायरी येथील डीएसके गणपती अथर्वशीर्ष मंडळ, सप्तसूरच्या उज्ज्वला जोशी, संध्या बासुतकर, कल्पना लाकवाले, छाया कोतवाल, प्रतिभा जोशी, हेमा आठल्ये. ज्योती मनगोली, उमा टिंगरे यांच्यासह नरवीर तानाजी वाडी परिसरातील २०० हून अधिक महिलांनी १८ सप्टेंबरला सायंकाळी सामुहिक अथर्वशीर्ष पठण करून नरवीर तानाजी वाडीचा परिसर मंत्रोच्चारांनी चैतन्यमय केला.

या प्रसंगी आमदार अनिल भोसले, नगरसेविका रेश्मा भोसले, श्रीधर वाघ, आबा भोसले, दीपक पवार, गणेश जाधव, अमित पाचुंदकर, ओंकार महाडिक, गोपाळ देशमुख, बाळासाहेब बढे, एकनाथ ताम्हाणे, वसंत सावंत, अनिता शहाणे, मनीषा देशमुख, रोहिणी वाघ आदी उपस्थित होते.

सामूहिक अथर्वशीर्ष पाठणामध्ये सहभागी महिलांचा ओटी भरून सन्मान करण्यात आला; तसेच त्यांना भेटवस्तूही देण्यात आल्या. भक्ती वाघ यांनी कार्यक्रमाचे संयोजन केले.      
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search