Next
‘इन्स्टामोजो’तर्फे मतदानासाठी ‘आय अॅम एमएसएमई’ मोहीम
प्रेस रिलीज
Monday, April 08, 2019 | 05:16 PM
15 0 0
Share this article:

बेंगळूरू : सूक्ष्म, लघु व मध्यम उद्योजकांना (एमएसएमई) मतदानाचा हक्क बजावण्याला प्रोत्साहन देण्यासाठी मोहीम ‘इन्स्टामोजो’ या कंपनीने सुरू केली आहे. येत्या लोकसभा निवडणुकीत लघु उद्योजकांनी जाणीवपूर्वक मतदानाचा हक्क बजावावा, तसेच त्या निमित्ताने आपल्या लघु उद्योग क्षेत्राच्या भविष्य उभारणीसाठी योगदान द्यावे, यासाठी या उद्योजकांना विशेष आवाहन करण्यात येणार आहे. ‘आय अॅम एमएसएमई’ ही मोहीम आठ एप्रिल २०१९ पासून सुरू झाली.

भारतात सध्या ६.३ कोटी सूक्ष्म, लघु व मध्यम उद्योग आहेत. या संख्येच्या बाबतीत भारताचा जगात दुसरा क्रमांक लागतो. ‘आय अॅम एमएसएमई’ या मोहिमेद्वारे ‘इन्स्टामोजो’ देशभरातील लघु उद्योगांपर्यंत सोशल मीडिया व डिजिटल प्लॅटफॉर्मच्या माध्यमातून पोहोचू शकणार आहे. यासाठी ‘इन्स्टामोजो’ने वेबलिंक सुरू केली आहे. या वेबसाइटमधून लघु उद्योजकांना मतदान करण्याची शपथ देण्यात येईल, तसेच त्यांना त्यांच्या व्यवसायातील व एकंदर क्षेत्रातील कोणत्याही तीन महत्त्वाच्या समस्या मांडण्याची संधी देण्यात येईल.

संपद स्वेनमोहीम सादर करताना ‘इन्स्टामोजो’चे सहसंस्थापक व मुख्य कार्यकारी अधिकारी संपद स्वेन म्हणाले, ‘आम्ही ‘एमएसएमई’ व्यावसायिकांना डिजिटल पद्धतीने कामे करण्यास उद्युक्त करून त्यांना सशक्त बनवण्याच्या दिशेने सतत काम करीत आहोत. यातूनच ‘आय अॅम एमएसएमई’ या मोहिमेची कल्पना घेऊन आम्ही आलो आहोत. आगामी निवडणुकीत सक्रीय सहभागी होण्याबरोबरच या लघु उद्योजकांनी व लहान व्यावसायिकांनी पुढील पाच वर्षांत आपल्या काय अपेक्षा आहेत, हे सरकारला सांगावे, असा आमचा हेतू आहे. आगामी पाच वर्षे या ‘एमएसएमई’ क्षेत्रासाठी अत्यंत महत्त्वाची आहेत. कारण या काळात डिजिटल यंत्रणांमुळे सर्वच व्यवस्थेत आमुलाग्र बदल होणार आहेत व अशावेळी लघु उद्योगांना सरकारने उभारी देण्याची गरज भासणार आहे.’
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search