परसातला पारिजातक फुलतो आणि दारात सुंदर असा गालिचा अंथरला जातो. मनाचे पण असेच काहीसे असते. अनेक व्यक्ती, त्यांच्या आठवणी, जोडलेली नाती, काही ठिकाणं तर कधी काही वाचलेले हे सगळं काही मनात असतं आणि मनही स्वतःच्या व्याप्तीने सर्व काही सामावून घेत राहतं. अगदी नकळत अचानक मनाला धुमारे फुटू लागतात आणि मग कागदावर विचारांचा मनमोहक गालिचा अंथरला जातो. अलवारपणे आपण त्या आठवणींमध्ये, विचारांमध्ये, नात्यांमध्ये गुंफले जातो आणि सगळं काही मनातलं बाहेर पडतं.
अवंती दामले यांनी लिहिलेले आणि बुकगंगा पब्लिकेशन्सने प्रकाशित केलेले ‘अलवार मनातलं’ या पुस्तकाचा प्रकाशन सोहळा १० जानेवारी २०२२ रोजी ‘रुट्स ९ किचन, राजा मंत्री पथ, पुणे’ येथे पार पडला. प्रिंट पुस्तकाचे प्रकाशन आणि ई-बुकचे अनावरण लेखिका अवंती दामले यांच्या मुली आर्या आणि अनुष्का ह्या दोघींच्या हस्ते झालं.
या कार्यक्रमाला पुस्तकाच्या लेखिका अवंती दामले, बुकगंगा.कॉमच्या संचालिका गौरी जोशी व काही नामांकित डॉक्टर्स उपस्थित होते. प्रकाशन सोहळा पार पडल्यानंतर लेखिका अवंती दामले यांनी पुस्तकातील काही भाग वाचून दाखवला.
बुकगंगा.कॉम वरून ‘अलवार मनातलं’ याचे प्रिंट पुस्तक आणि ई-बुक विकत घेण्यासाठी खाली डीटेल्स दिलेले आहेत-