Ad will apear here
Next
‘मसाप’चा रेखा ढोले पुरस्कार जाहीर
गोखले, टिपणीस, जोत्स्ना प्रकाशन यांना सन्मानपूर्वक प्रदान करणार
पुणे : महाराष्ट्र साहित्य परिषद (मसाप) पुणे आणि राजहंस प्रकाशन यांच्या संयुक्त विद्यमाने ‘राजहंस’च्या एक अभिन्न सदस्य आणि राजहंस प्रकाशनाच्या पुस्तक निर्मितीच्या कार्याचा अविभाज्य घटक असलेल्या रेखा ढोले यांच्या स्मृतिप्रीत्यर्थ ‘मसाप’तर्फे साहित्यक्षेत्रासाठी पुरस्कार दिले जातात. या वर्षी मराठी अनुवाद क्षेत्रातील योगदानाबद्दल दिला जाणारा पुरस्कार ज्येष्ठ अनुवादक करुणा गोखले यांना जाहीर झाला आहे. २५ हजार रुपये व सन्मानचिन्ह असे या पुरस्काराचे स्वरूप आहे.

हा समारंभ २१ एप्रिल २०१९ रोजी सायंकाळी सहा वाजता पत्रकार भवन, नवी पेठ, पुणे येथे होणार आहे. मुखपृष्ठ आणि अंतर्गत सजावटीसाठीचा पुरस्कार ‘नोना आणि सफरचंदाचं झाड’ आणि तीन पुस्तकांच्या संचासाठी राधिका टिपणीस यांना जाहीर झाला आहे. १५ हजार रुपये व सन्मानचिन्ह असे या पुरस्काराचे स्वरूप आहे, तर सर्वोत्कृष्ट निर्मितीमूल्याचा पुरस्कार जोत्स्ना प्रकाशनाला ‘नोना आणि सफरचंदाचं झाड’ या पुस्तकासाठी जाहीर झाला आहे. १० हजार रुपये व सन्मानचिन्ह असे या पुरस्काराचे स्वरूप आहे.

ज्येष्ठ चित्रकार गिरीश सहस्रबुद्धे, श्रीराम गीत, दीपक करंदीकर आणि बंडा जोशी यांच्या निवड समितीने या पुरस्कारासाठी ग्रंथ आणि व्यक्तींची निवड केली. हे पुरस्कार ९२ व्या अखिल भारतीय मराठी साहित्य संमेलनाच्या अध्यक्षा डॉ. अरुणा ढेरे यांच्या हस्ते प्रदान करण्यात येणार आहेत. या समारंभाला ‘मसाप’चे कार्याध्यक्ष प्रा. मिलिंद जोशी, प्रमुख कार्यवाह प्रकाश पायगुडे, कोषाध्यक्ष सुनिताराजे पवार, राजहंस प्रकाशनाचे दिलीप माजगावकर, डॉ. सदानंद बोरसे उपस्थित राहणार आहेत.

कार्यक्रमाविषयी :
दिवस : रविवार, २१ एप्रिल २०१९
वेळ : सायंकाळी सहा वाजता
स्थळ : पत्रकार भवन, नवी पेठ, पुणे
 
ठिकाण निवडा
किंवा

Select Feeds (Section / Topic / City / Area / Author etc.)
+
ही लिंक शेअर करा
आर्थिक लाइफस्टाइल स्त्री-शक्ती पुणे मुंबई तरुणाई व्यक्ती आणि वल्ली
Select Language