Ad will apear here
Next
‘मुलांच्या जडणघडणीत पालक-शिक्षकांचा वाटा मोलाचा’
अनंत भिडे यांचे मत; रोटरी क्लबतर्फे सन्मान
रोटरी क्लब ऑफ वारजे यांच्या वतीने मुक्तांगण विज्ञानशोधिका केंद्राचे संचालक अनंत भिडे यांना ‘बिझनेस एक्सलन्स अॅवाॅर्ड’ प्रदान करताना रोटरीचे प्रांतपाल रवी धोत्रे.

पुणे : ‘आई आणि शिक्षक मुलांना घडवत असतात. त्यांच्यामुळेच देशाला चांगला व्यवसायिक, खेळाडू, डॉक्टर, इंजिनीअर मिळत असतो. समाज समृद्ध होऊन विकासाच्या दिशेने जात असतो. त्यामुळे मुलांच्या जडणघडणीत पालक व शिक्षकांचे योगदान मोठे आहे. त्याची जाणीव ठेऊन मुलांनी त्यांच्याप्रती कृतज्ञ राहायला हवे,’ असे प्रतिपादन मुक्तांगण विज्ञानशोधिका केंद्राचे संचालक अनंत भिडे यांनी केले.

रोटरी क्लब ऑफ पुणे, वारजे यांच्या वतीने दिला जाणारा ‘बिझनेस एक्सलन्स अॅवाॅर्ड’ पुरस्कार अनंत भिडे यांना रोटरीचे प्रांतपाल रवी धोत्रे यांच्या हस्ते प्रदान करण्यात आला. सन्मान चिन्ह, मानपत्र, पुष्पगुच्छ असे पुरस्काराचे स्वरूप होते. या वेळी साक्षरता दिनाचे औचित्य साधून शिक्षण क्षेत्रात उल्लेखनीय कार्य केलेल्या शिक्षकांचाही सत्कार करण्यात आला. यामध्ये शिवानी सुतार, मुक्ता जगताप, विकास पाटोळे, वर्षा रांका, गीतांजली बोधनकर, नेहा निरगुडकर, भारती बक्षी, संदीप नाटेकर आदींचा समावेश होता. रोटरी क्लबचे अध्यक्ष अभिजीत कुलकर्णी, संजय पडवळ, भारती बक्षी, सुरेखा पाठक आदी उपस्थित होते.

अनंत भिडे म्हणाले, ‘हा सन्मान माझा नसून माझ्यासोबत कार्य करणाऱ्या असंख्य व्यक्तींचा आहे. व्यवसायानिमित्त विदेशात होतो. भारतात आल्यानंतर समाजकार्य करायला लागलो. ही शिकवण शिक्षकांकडून मिळाली. त्यांनीच योग्य दिशा दिल्यामुळे उद्योग क्षेत्रात आणि सामाजिक क्षेत्रात चांगले काम करत आहे. माझ्या आईचाही यामध्ये मोठा वाटा आहे. तिच्यामुळेच आम्ही चांगले व्यक्ती बनू शकलो. वडीलदेखील आमचे आदर्श आहेत. आईवडील आणि शिक्षकांमुळे आयुष्य समृद्ध झाले असे वाटते.’

रवी धोत्रे म्हणाले, ‘समाजामध्ये आपण चांगले काम करतो, तेव्हा आपल्या चांगल्या कामांकडे कोणाचेही लक्ष जात नाही. चांगले काम करणाऱ्या व्यक्तींचा सन्मान केला, तर त्यातून इतरांना प्रेरणा मिळते. त्यांच्या पातळीवर ते चांगले काम करण्याचा प्रयत्न करतात. त्यामुळे रोटरी क्लब चांगले काम करणाऱ्या व्यक्तींचा शोध घेऊन त्यांचा सत्कार करते व समाजासमोर आदर्श ठेवते.’

माधवी वझे म्हणाल्या, ‘विविध क्षेत्रात उल्लेखनीय कार्य करणाऱ्या व्यक्तींमुळेच आपल्याला प्रेरणा मिळते. त्यामुळे त्यांचा सत्कार व्हायला हवा. अशा व्यक्ती विविध विचारधारांच्या लोकांना एकाच छताखाली आणून त्यांना ते समाजकार्य करण्यास प्रोत्साहित करत राहतात.’ 

सूत्रसंचालन डॉ. समीर सावरकर यांनी केले. विनायक पाटील यांनी आभार मानले.
 
ठिकाण निवडा
किंवा

Select Feeds (Section / Topic / City / Area / Author etc.)
+
ही लिंक शेअर करा
Maharashtra Madhav Vidwans Karu Ya Deshatan Solapur Mahajanadesh Yatra Ratnagiri Nashik Girish Bapat Kolhapur Ahmadnagar Narendra Modi Nationalist Congress Party Internet India Satara USA Ganeshotsav 2019 New Delhi