Ad will apear here
Next
रसिक मित्र मंडळच्या ‘ईद मिलन मुशायरा’ला प्रतिसाद

पुणे : रमजान ईदीचे औचित्य साधून रसिक मित्र मंडळातर्फे आयोजित करण्यात आलेल्या उर्दू, हिंदी, मराठी, गुजराती या भाषेतील ‘ईद मिलन मुशायरा’ कार्यक्रमाला रसिकांचा चांगला  प्रतिसाद मिळाला.

मुशायराचे आयोजन पत्रकार भवनच्या सभागृहात निमंत्रित कवींच्या उपस्थितीत १० जून रोजी करण्यात आले होते. या प्रसंगी एस. एस. राही, रहिमा पटेल, सीमा शर्मा, शायर इसामुद्दीन शोला, हेमंत सीमंत, हेमंत पुणेकर, हरिवल्लभ शर्मा, सुधीर कुबेर, शमसाद टाकेदार, मुमताझ पीरभॉय, रफिक काझी, नझीर फतेहपुरी, प्रदीप निफाडकर यांनी बहारदार रचना सादर केल्या.

सलीम चिश्ती, मुनवर पिरभॉय, मुमताझ पीरभॉय यांच्यासह अनेक मान्यवर रसिक या वेळी उपस्थित होते. सुरेशचंद्र सुरतवाला, रफीक काझी, प्रदीप निफाडकर यांनी या कार्य्क्रमचे आयोजन केले होते. यात उर्दू, हिंदी, मराठी, गुजराती अशा चार भाषातील १० कवींनी मुशायऱ्यात भाग घेतला. 


हेमंत पुणेकर यांनी सुरेश भटांच्या ‘मलमली तारुण्य माझे, तू पहाटे पांघरावे’ या गझलचा गुजराती अनुवाद सादर केला. शिवाय ‘स्वप्न में आवजाव राखे छे‘ असे आर्जवही गुजराती भाषेतून केले. 

डॉ. राहिमा पटेल यांनी जाती -धर्मभेदावर बोट ठेवले. ‘एक सा रंग है लहू का, फिर दिलो में ये भेद क्यू है? कही केसरिया, कही हरा क्यू है?,’ असा प्रश्न त्यांनी शायरीतून विचारला. तर सुधीर कुबेर यांनी ‘पायवाटा आडवाटा टाळल्या मी, सरळ रस्ते सारखे का वळत होते?,’ असे सुधीर कुबेर यांनी विचारले. निफाडकर यांनी सूत्रसंचालन केले. सुरतवाला यांनी प्रास्ताविक केले. 
 
ठिकाण निवडा
किंवा

Select Feeds (Section / Topic / City / Area / Author etc.)
+
ही लिंक शेअर करा
Maharashtra Madhav Vidwans Karu Ya Deshatan Solapur Mahajanadesh Yatra Ratnagiri Nashik Girish Bapat Kolhapur Ahmadnagar Narendra Modi Nationalist Congress Party Internet India Satara USA Ganeshotsav 2019 New Delhi
Select Language