Ad will apear here
Next
अंगारक चतुर्थीनिमित्त दगडूशेठ गणपती मंदिरात आकर्षक सजावट

पुणे : अंगारक संकष्ट चतुर्थीनिमित्त संपूर्ण श्रीमंत दगडूशेठ हलवाई सार्वजनिक गणपती मंदिर फुलांनी सजवण्यात आले असून, अत्यंत आकर्षक अशी ही सजावट डोळ्याचे पारणे फेडत आहे. भाविकांसाठी पहाटे तीन वाजल्यापासून मंदिर दर्शनासाठी खुले करण्यात आले असून, पहाटेपासूनच भाविकांनी गणरायाच्या दर्शनासाठी येथे गर्दी केली आहे.

संपूर्ण मंदिर वेगवेगळ्या रंगांच्या फुलांनी केलेल्या आकर्षक रचनांनी सजवण्यात आले असून, आतील भागही फुलांच्या माळा, तोरणांनी सजला आहे. वेगवगेळ्या रंगांतील फुलांच्या चक्रांमध्ये स्वस्तिक, श्री, ओम, कलश ही शुभचिन्हे साकारण्यात आली आहेत.

 गणरायाची मूर्तीही फुलांनी सजली असून, बाप्पाची साजरी मूर्ती अधिकच मनोहर दिसत आहे. बाप्पाचे हे रूप भाविकांना आनंद देत आहे.

‘श्रीमंत दगडूशेठ हलवाई सार्वजनिक गणपती मंदिर ट्रस्ट आणि सुवर्णयुग तरुण मंडळाच्यावतीने मंदिरात विविध कार्यक्रमांचे आयोजनही करण्यात आले आहे. यामध्ये स्वराभिषेक, गणेशयाग आदींचा समावेश आहे,’ अशी माहिती ट्रस्टचे अध्यक्ष अशोक गोडसे यांनी दिली. 

मंगळवारी पहाटे चार ते सहा या वेळेत स्वराभिषेकांतर्गत गायक अमोल पटवर्धन यांनी आपली गायनसेवा गणपती रुजू केली, तर सकाळी आठ ते दुपारी १२ यावेळेत गणेशयाग करण्यात आला. 

(फुलांनी सजलेल्या श्रीमंत दगडूशेठ हलवाई सार्वजनिक गणपती मंदिराची झलक दर्शविणारा व्हिडिओ सोबत देत आहोत.) 

 
ठिकाण निवडा
किंवा

Select Feeds (Section / Topic / City / Area / Author etc.)
+
ही लिंक शेअर करा
Maharashtra Madhav Vidwans Karu Ya Deshatan Solapur Mahajanadesh Yatra Ratnagiri Nashik Girish Bapat Kolhapur Ahmadnagar Narendra Modi Nationalist Congress Party Internet India Satara USA Ganeshotsav 2019 New Delhi