Ad will apear here
Next
मारुती चितमपल्ली
वन्यजीवनाविषयी अत्यंत ओघवत्या शैलीत उत्कंठापूर्ण लेखन करत, सहजच लाखभर नवीन शब्दांची मराठी वाचकांना ओळख करून देणाऱ्या मारुती चितमपल्ली यांचा पाच नोव्हेंबर हा जन्मदिन. त्यानिमित्त आजच्या ‘दिनमणी’मध्ये त्यांच्याविषयी....
........
पाच नोव्हेंबर १९३२ रोजी सोलापूरमध्ये जन्मलेले मारुती चितमपल्ली हे निसर्ग आणि वन्यजीवन या विषयातले तज्ज्ञ वनाधिकारी आणि त्या विषयांवर अत्यंत रसाळ लेखन करणारे लोकप्रिय लेखक. तेलुगू कुटुंबात जन्म होऊनही त्यांचं शिक्षण मराठीत झालं, बालपण मराठी-गुजराती वस्तीत गेलं. तशात मुस्लीम वस्तीही घराजवळ असल्यामुळे तेलुगू भाषेबरोबरच मराठी, गुजराती आणि उर्दूमिश्रित हिंदीचे संस्कार त्यांच्यावर झाले. पुढे त्यांनी जर्मन आणि रशियन भाषेचा अभ्यास तर केलाच; पण वयाच्या ८४व्या वर्षी संस्कृत शिकण्याची अचाट कामगिरीही केली. 

आई, वडील, आत्या, लिंबामामा आणि हणमंतमामा यांनी त्यांना रानवाटांवरून नेत प्रचंड माहिती दिली आणि जंगलांविषयी, प्राण्यांविषयी आकर्षण निर्माण केलं. त्या विलक्षण आणि अद्भुत जगताशी ओळख करून घेताना ते कित्येक नवनवीन गोष्टी शिकले. ते सारं आपल्या समर्थ लेखणीतून मराठी वाचकांसमोर आणतानाच अनेक नवनवीन शब्दांशी त्यांनी वाचकांचा परिचय करून दिला. असं मानतात, की त्यांनी आपल्या साहित्यप्रवासात जवळपास लाखभर शब्द मराठी भाषेला बहाल केले आहेत.

२००६ साली सोलापूरमध्ये झालेल्या अखिल भारतीय मराठी साहित्य संमेलनाचे ते अध्यक्ष होते. उत्कृष्ट साहित्यनिर्मितीबद्दल त्यांना राज्य पुरस्कार, दमाणी साहित्य पुरस्कार, मृण्मयी साहित्य पुरस्कार असे विविध पुरस्कार मिळाले. तसंच विंदा करंदीकर जीवनगौरव पुरस्कार, जीवनसाधना पुरस्कार, नागभूषण पुरस्कार, समाजसेवक पुरस्कार, सहकार महर्षी साहित्य पुरस्कार असे इतरही विविध पुरस्कार त्यांना प्राप्त झाले आहेत. 

आनंददायी बगळे, चैत्रपालवी, घरट्यापलीकडे, जंगलाचं देणं, जंगलाची दुनिया, केशराचा पाऊस, निळावंती, पाखरमाया, पक्षी जाय दिगंतरा, रानवाटा, रातवा, सुवर्णगरुड, चकवाचांदण, निसर्गवाचन, पक्षीकोश, मृगपक्षीशास्त्र, शब्दांचं धन, नवेगावबांधचे दिवस, आपल्या भारतातील साप, अशी त्यांची पुस्तकं प्रसिद्ध आहेत. 

(चितमपल्ली यांची पुस्तकं ‘बुकगंगा डॉट कॉम’वरून घरपोच मागवण्यासाठी येथे क्लिक करा.)

 
Feel free to share this article: https://www.bytesofindia.com/P/SZXIBI
 मला तुमचा जंगलाचे देणे हे पुस्तक वाचायचा आहे तुम्ही प्लीज ते गूगल वर टाका मि भले लायब्ररी मध्ये जाऊ शकली नसली मला तुमचे सगळेच लेख आवडतात
 Mahan VanYogi
 Good work
Similar Posts
मंगेश राजाध्यक्ष, सुमती पायगावकर ज्येष्ठ समीक्षक आणि खुसखुशीत लेखांसाठी प्रसिद्ध असणारे मं. वि. राजाध्यक्ष आणि बालसाहित्यकार सुमती पायगावकर यांचा सात जून हा जन्मदिन. त्यानिमित्त आजच्या ‘दिनमणी’मध्ये त्यांचा अल्प परिचय...
अनंत काणेकर, डॉ. अनंत वर्टी ‘तू माझी अन् तुझा मीच ही खातर ना जोवरी, प्रीतीची हूल फुकट ना तरी!’ म्हणणारे लोकप्रिय कवी आणि लेखक अनंत काणेकर आणि प्रामुख्याने विनोदी लेखन करणारे डॉ. अ. वा. वर्टी यांचा दोन डिसेंबर हा जन्मदिन. त्यानिमित्त आजच्या ‘दिनमणी’मध्ये त्यांच्याविषयी....
विठ्ठल वाघ, उत्तम बंडू तुपे, नामदेव कांबळे ‘माझ्या मराठी मातीचा मला जिवापाड छंद,’ असं लिहिणारे कवी विठ्ठल वाघ, आपल्या कथा-कादंबऱ्यांमधून अंधश्रद्धा, अनिष्ट प्रथा, स्त्रियांची दुःखं, अठराविश्वे दारिद्र्य यांचं विदारक वर्णन करणारे उत्तम तुपे, ‘राघववेळ’ सारखी जबरदस्त कादंबरी लिहिणारे नामदेव कांबळे, विनोदी कथाकार राजाराम राजवाडे, ‘ए पॅसेज टू इंडिया’सारख्या गाजलेल्या कादंबऱ्यांचा लेखक इ
विल्यम ट्रेव्हर परिणामकारक लघुकथालेखनासाठी नावाजल्या गेलेल्या विल्यम ट्रेव्हरचा २४ मे हा जन्मदिन. त्यानिमित्त आजच्या ‘दिनमणी’मध्ये त्याचा अल्प परिचय....

Is something wrong?
ठिकाण निवडा
किंवा

Select Feeds (Section / Topic / City / Area / Author etc.)
+
ही लिंक शेअर करा
व्यक्ती आणि वल्ली स्त्री-शक्ती कलाकारी दिनमणी
Select Language