Ad will apear here
Next
माधव गडकरी यांच्यावरील संकेतस्थळाचे उद्घाटन
माधव गडकरी यांच्याविषयी समग्र माहिती देणाऱ्या   संकेतस्थळाचे उद्घाटन करताना कुंदाताई गडकरी, डॉ. शिरीष यंदे व मानसी यंदे

पुणे  : ज्येष्ठ पत्रकार, साहित्यिक माधव गडकरी यांच्याविषयी समग्र माहिती देणारे, www.madhavgadkari.com  हे संकेतस्थळ तयार करण्यात आले असून, नुकतेच त्याचे उद्घाटन कुंदाताई गडकरी यांच्या हस्ते करण्यात आले. या वेळी डॉ. शिरीष यंदे, मानसी यंदे, ‘झी २४ तास’चे मुख्य संपादक विजय कुवळेकर, पुढारीचे ज्येष्ठ पत्रकार अनिल टाकळकर, पुण्यनगरीचे संपादकीय सल्लागार अरुण खोरे, ज्येष्ठ पत्रकार विकास वाळुंजकर आदी मान्यवर उपस्थित होते. 

या संकेतस्थळाची निर्मिती मानसी यंदे यांची असून, रचना मंदार वैद्य यांनी, तर संहिता शरदचंद्र पानसे यांनी केली आहे. संकेतस्थळाच्या अनावरणाप्रसंगी गडकरी यांच्या कारकीर्दीचा आढावा संकेतस्थळाच्या माध्यमातून दाखविण्यात आला. या संकेतस्थळावर माधवरावांचा जीवनालेख, त्यांचे विचार, त्यांची ग्रंथसंपदा, त्यांना प्राप्त झालेले विविध सन्मान, दुर्मीळ छायाचित्रे,तसेच त्यांच्या विविध भाषणांची दृकश्राव्य झलक अशा अनेक गोष्टींचा समावेश आहे. या वेळी माधव गडकरी यांचे कुटुंबीय व सहकाऱ्यांनी त्यांच्या आठवणींना उजाळा दिला.

डॉ. शिरीष यंदे म्हणाले, ‘माधव गडकरी हे एक झुंजार व्यक्तिमत्त्व होते, हे जरी आजच्या पिढीने लक्षात ठेवले तरी आमचा उद्देश सफल होईल.’ ‘झी २४ तास’चे मुख्य संपादक विजय कुवळेकर म्हणाले, ‘ त्यांच्या सहवासात मी बरेच काही शिकलो. त्यांचे व्यक्तिमत्त्व हे खुल्या स्वभावाचे आणि समाजाभिमुख होते. एकट्याच्या बळावर कार्य तडीस नेण्याची त्यांची क्षमता होती. ते एक दूरदर्शी नेते होते. ते कधीच कोणापुढे झुकले नाहीत; पण त्यांनी केलेल्या उपक्रमांची नोंद झालेली नाही. या संकेतस्थळाच्या माध्यमातून त्यांचे कार्य नव्या पिढीपुढे ठेवल्याबद्दल मी मानसी आणि शिरीष यंदे यांचे आभार मानतो.’

पुढारीचे ज्येष्ठ पत्रकार अनिल टाकळकर म्हणाले, ‘माधव गडकरी हे मनाने कायम तरुण आणि सहृदय संपादक होते. त्यांनी काळाच्या पुढे नेणारे लेखन केले. या लेखनाचे पुस्तक व्हायला हवे. लोकांच्या प्रश्नांविषयी जागरूक राहिले पाहिजे, अशी त्यांची भूमिका असायची.’

ज्येष्ठ पत्रकार विकास वाळुंजकर म्हणाले, ‘माधव गडकरी यांची प्रतिभा सहज फुलणारी होती. त्यांचे अग्रलेखही खूप गाजले होते. स्वतःसोबतच आपल्या सहकाऱ्यांना मोठे होण्यासाठीही त्यांनी नेहमीच मदत केली. माणसांबद्दल त्यांना अत्यंत आपुलकी होती व जीवनप्रवासात त्यांनी अनेक माणसे जोडली.’

पुण्यनगरीचे संपादकीय सल्लागार अरुण खोरे म्हणाले, ‘पत्रकारितेच्या क्षेत्रात आता व्यावसायिक संबंध असले, तरी पूर्वी कौटुंबिक जिव्हाळ्याचे संबंध असायचे. माधव गडकरींनी मला नेहमी वडिलांसारखे मार्गदर्शन केले. सामाजिक चळवळींना आणि उपक्रमांना मदत करण्याची त्यांची मनापासून इच्छा असायची.’

कार्यक्रमाचे सूत्रसंचालन डॉ. शिरीष यंदे यांनी, तर आभारप्रदर्शन मानसी यंदे यांनी केले.
 
Feel free to share this article: https://www.bytesofindia.com/P/MZZABP
Similar Posts
साहित्य संमेलनाचा सीएसआर उपक्रम पुणे : पुण्यामध्ये येत्या रविवारी २८ जानेवारी रोजी ‘यात्रा परिक्रमा साहित्य संमेलन’ आयोजित करण्यात आले आहे. साहसी अध्यात्मिक यात्रा परिक्रमा आणि त्यातून निर्माण झालेले साहित्य, त्यांची विक्रमी विक्री यातून सुरू झालेले विविध सामाजिक, सांस्कृतिक, पर्यावरण विषयक, लोकजीवन आणि ग्रामीण शहरी जीवनशैलीचा समन्वय
‘संशोधनात महिलांचा सहभाग वाढावा’ पुणे : ‘संशोधन क्षेत्रात पुरुषांच्या तुलनेत महिलांचे प्रमाण अतिशय कमी आहे. यामुळे आता होणारे संशोधन हे शास्त्रीयदृष्टया योग्य असले, तरी ते एकांगी पद्धतीचे आहे. विविध प्रकारच्या संशोधनांमध्ये महिलांचा सहभाग वाढला तर संशोधनाचे स्वरूप बदलेल,’ असे मत जीवशास्त्र विषयातील ‘इंडियन इन्स्टिट्यूट ऑफ सायन्स एज्युकेशन अँड रिसर्च’च्या (आयसर) शास्त्रज्ञ डॉ
‘शिखर फाऊंडेशन’ कडून स्टोक-कांगरी शिखर सर पुणे : सह्याद्रीच्या डोंगर रांगेतील हरिश्चंद्रगडचा कोकण कडा, नागफणी, नानाचा अंगठा, मोरोशीचा भैरावगड, माहुलीचा बाण, नवरा-नवरी अशा अनेक सुळक्यांवर यशस्वी चढाया करणाऱ्या तसेच नाशिक त्रिंबकेश्वर पासून ते आंबोली पर्यंतच्या साह्यवाटा आणि गडकिल्ल्यांच्या यशस्वी मोहीमा राबवून तरुण पिढीला  गिर्यारोहण क्षेत्रामध्ये
ग्रीन सोसायटी स्पर्धेचे पारितोषिक वितरण पुणे : ‘घरातील कीटक, डास, झुरळे यांचा नाश करण्याच्या नादात जी रासायनिक फवारणी, कॉईल जाळण्याचे प्रकार घरात चालतात, त्यामुळे कर्करोग, फुफ्फुसाचे आजार मोठ्या प्रमाणात वाढत आहेत. या फवारणीमुळे प्रदूषणाला सुरुवात होऊन, पर्यावरणाचा ऱ्हास होताना दिसत आहे,’ असे मत ज्येष्ठ पर्यावरणतज्ज्ञ डॉ. माधव गाडगीळ यांनी व्यक्त केले

Is something wrong?
ठिकाण निवडा
किंवा

Select Feeds (Section / Topic / City / Area / Author etc.)
+
ही लिंक शेअर करा
व्यक्ती आणि वल्ली स्त्री-शक्ती कलाकारी दिनमणी
Select Language