मुंबई : लोणावळा येथे ५० घोड्यांसोबत पठारी खेड्यांत ‘मारवाड़ी हॉर्स एंडुरोन्स चँपियनशिप २०१८’ आयोजित करण्यात आली होती.
२० किलोमीटर (किमी), ४० किमी, आणि ६० किमी या तीन गटांत ही स्पर्धा झाली. महाराष्ट्र घोडा मालक संघटनेतर्फे दरवर्षी ही स्पर्धा भरवण्यात येते. ही स्पर्धा खुल्या वर्गात होत असल्याने घोडा नियंत्रित करणारा कोणीही यात भाग घेऊ शकतो. तीन दिवस चालणाऱ्या या स्पर्धेत पहिले दोन दिवस घोड्यांची माहिती घेण्यासाठी आणि त्यांच्याबद्दल जाणून घेण्यासाठी असतात.
डोंगराळ भागात घेण्यात आलेली २० किमी अंतराची शर्यत अवघ्या एक तासात पार पाडली. यात प्रशिक्षित घोडेस्वारांसह १६ वर्षांखालील मुलेही सहभागी झाली होती. यात त्यांनी उत्तम कामगिरी केली.
‘ही चँपियनशिप येत्या काही वर्षांत अधिकाधिक सहभागींना व पर्यटकांना निश्चितपणे आकर्षित करेल’, असा विश्वास इक्विएस्ट्रियन फेडरेशन ऑफ इंडिया (ईएफआई) चे महासचिव कर्नल आरकेएस वैन यांनी बक्षीस वितरणप्रसंगी व्यक्त केला.