पिंपरी : पिंपरी-चिंचवडचे शिल्पकार माजी महापौर नानासाहेब शितोळे यांच्या तृतीय पुण्यस्मरण दिनानिमित्त रक्तदान शिबिराचे आयोजन करण्यात आले होते.
या शिबिराचे उद्घाटन नगरसेवक भाऊसाहेब भोईर, माजी नगरसेवक राजेंद्र जगताप, ‘अरविंद एज्युकेशन’च्या श्रीमती आरती, स्थायी समितीचे माजी अध्यक्ष अतुल शितोळे, बबनराव शितोळे, बापूसाहेब ढमाले, उमेश बोरसे यांच्या उपस्थितीत झाले.
रक्तदान शिबिराला उत्स्फूर्त प्रतिसाद मिळाला. यात १३६ जणांनी रक्तदान केले. तसेच ‘दी आसरा फाउंडेशन’च्या वतीने या वेळी उद्योजकता शिबिरही भरविण्यात आले होते. या शिबिरालाही उद्योजकांचा उत्स्फूर्त प्रतिसाद मिळाला. यात १८० युवा उद्योजक सहभागी झाले होते.
