‘तुम्हाला तुमच्या नशिबाने गोडऐवजी लिंबासारखं आम्ब्वत फळ दिलं, तर तक्रार करू नका. त्या लिंबापासून स्वादिष्ट असं सरबत बनवा आणि तहानेने व्याकूळ झालेल्यांची तहान भागवा’, नेपोलियन हिल यांचा हा संदेश सर्वांनीच कायम लक्षात ठेवण्यासारखा आहे. ज्युडिथ विडीअमसन यांनी हिल यांनी सांगितलेले जगण्याचे नियम सांगून त्यांचे विश्लेषण केले आहे.
प्रत्येक आठवड्यासाठी एक असे ५२ आठवड्यांचे हे नियम म्हणजेचे संदेश आहेत. प्रत्येक प्रकरणाच्या अखेरीस एक बोधवाक्य दिलेले आहे. ‘एखादी गोष्ट मिळवायची जेवढी जास्त इच्छा असेल, तेवढ्या चांगल्या प्रकारे ती पारखून घ्या,’ ‘तुम्ही स्वतःला ज्या सवयी लावून घेता त्यावरच तुम्हाला मिळालेलं यश आणि अपयश अवलंबून असतं,’ ‘तुमची मानसिकता बदला. तुमच्या आजुबाजूचं जग आपोआपच बदलेल’, अशा प्रकारचे प्रेरणादायी संदेश वाचकाला मिळतात.
प्रकाशक : मायमिरर पब्लिशिंग हाउस
पाने : १४४
किंमत : १७० रुपये
(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)