'ही गोष्ट आहे डॉ. सुजय शास्त्रीची, एका रेडिओलॉजिस्टची! आपल्या रोजच्या एकसुरी आयुष्याला कंटाळलेल्या सुजयला आयुष्यात काहीतरी 'थ्रिलिंग' घडावं असं वाटत असताना, 'व्हॉट्स अप'मुळे त्याच्या आयुष्याला कशी कलाटणी मिळते, त्याची ही गोष्ट...' डॉ. अमित बिडवे यांनी प्रस्तावनेतच कादंबरीची अशी उत्कंठावर्धक सुरवात केली आहे.
कथेचा नायक डॉ. सुजय शास्त्री असला तरी त्याला जे वाटत आहे, तशी भावना कोणत्याही क्षेत्रात वावरणाऱ्या तरुणाच्या अथवा तरुणीच्या मनात उत्पन्न होऊ शकते. म्हणूनच ही कादंबरी तुम्हा आम्हा सर्वांचीच आहे.
या कादंबरीचे विशेष म्हणजे, ती डायरीसारखी लिहिली आहे. त्यामुळे संवादी भाषा ओघवती आहे. एकीकडे डॉक्टरी पेशा आणि दुसरीकडे दैनंदिन आयुष्यातील छोटेमोठे प्रसंग मांडत कादंबरी पुढे जाते.
