Ad will apear here
Next
‘पाच वर्षांत संस्कृतला आले अच्छे दिन’
संस्कृत प्रशिक्षण कार्यशाळेच्या समारोप कार्यक्रमात बोलताना नीरज दांडेकर. शेजारी डॉ. कल्पना आठल्ये, डॉ. किशोर सुखटणकर आदी.

रत्नागिरी :
‘देशात गेल्या पाच वर्षांत संस्कृतसाठी ‘अच्छे दिन’ आले आहेत. ‘आयआयटी’मध्ये वैकल्पिक विषय म्हणून संस्कृत शिकवतात. अभियांत्रिकी महाविद्यालयांमध्येही संस्कृत शिकवले जाते. तमिळनाडूमध्ये पहिलीपासून सातवीपर्यंत संस्कृत शिक्षण दिले जाते. महाराष्ट्रातील संस्कृत शिक्षकांनीही लोकांना संस्कृत शिकवण्यासाठी पुढाकार घेतला पाहिजे. दररोज एखाद्या व्यक्तीला संस्कृतमधील काही ना काही शिकवा. प्रतिदिन संस्कृत लिहा, वाचा,’ असे आवाहन ‘संस्कृत भारती’चे नीरज दांडेकर यांनी केले.

नीरज दांडेकर यांचा सत्कार करताना प्राचार्य डॉ. किशोर सुखटणकर.

कालिदास संस्कृत विश्वतविद्यालय, जिल्हा परिषदेचा माध्यमिक शिक्षण विभाग, संस्कृत भारती व गोगटे-जोगळेकर महाविद्यालयाच्या संयुक्त विद्यमाने संस्कृत शिक्षकांचा पाच दिवसांचा प्रशिक्षण कार्यक्रम रत्नागिरीत आयोजित करण्यात आला होता. २१ जुलै रोजी त्याचा सांगता समारंभ झाला. त्या वेळी ते बोलत होते. बदललेल्या अभ्यासक्रमानुसारचे महाराष्ट्रातील हे पहिले प्रशिक्षण होते.

कार्यशाळेत सहभागी संस्कृत शिक्षक

‘उत्तर प्रदेशमध्ये संस्कृत अकादमी कार्यरत आहे. तेथे संस्कृत संभाषणासाठी संस्कृत शिक्षकांची नियुक्ती झाली आहे. संस्कृत भाषा लोकांपर्यंत पोहोचवण्यासाठी शिक्षकांची भूमिका महत्त्वाची आहे. रामटेक, नागपूर येथील कविकुलगुरू कालिदास संस्कृत विश्वकविद्यालयाने संस्कृत बालसाहित्य प्रकाशित केले आहे. अल्प दरामध्ये ही पुस्तके उपलब्ध आहेत. संस्कृत विश्व विद्यालयातर्फे महाराष्ट्रात संस्कृत शिक्षकांसाठी ४० कार्यशाळा घेतल्या जाणार आहेत. कुलगुरूंच्या पुढाकारामुळे हे शक्य होत असून, त्यासाठी आर्थिक तरतूद एप्रिलमध्येच करून ठेवली आहे,’ असेही त्यांनी सांगितले.

प्राचार्य डॉ. किशोर सुखटणकर, संस्कृत विभागप्रमुख डॉ. कल्पना आठल्ये, प्रशिक्षक राजेश ठक्कर, प्रणव गोगटे, हिरालाल शर्मा या वेळी उपस्थित होते. 

प्राचार्य डॉ. किशोर सुखटणकर. शेजारी मान्यवर.

डॉ. सुखटणकर म्हणाले, ‘महाविद्यालयास नॅकची ए ग्रेड मिळाली आहे. महाविद्यालयाच्या स्थापनेपासून संस्कृत विभाग सक्षम व प्रबळ आहे. संभाषण कौशल्याप्रमाणे शिक्षक, विद्यार्थ्यांना प्रशिक्षण देण्याचे काम चांगल्या रितीने झाले. महाविद्यालयाची कालिदास व्याख्यानमाला महाराष्ट्रभर प्रसिद्ध आहे.’

डॉ. आठल्ये यांनी प्रास्ताविक केले. शिक्षक रोहित भोळे, सानिका पंडित, यामिनी गोसावी यांनी अनुक्रमे संस्कृत, मराठी व हिंदीमधून मनोगत व्यक्त केले. वर्षातून एकदा असे प्रशिक्षण व्हावे, अशी अपेक्षा त्यांनी व्यक्त केली. प्रशिक्षणार्थी शिक्षकांना प्रमाणपत्रे वितरित करण्यात आली. प्रशिक्षणार्थ्यांच्या वतीने रत्नागिरी जिल्हा संस्कृत शिक्षक संघटनेच्या अध्यक्ष रेखा इनामदार यांनी उत्कृष्ट नियोजनाबद्दल डॉ. कल्पना आठल्ये यांचा सत्कार केला. रवींद्र पाटणकर यांनी सूत्रसंचालन केले. आशिष आठवले यांनी आभार मानले.  

हेही जरूर वाचा : 









 
Feel free to share this article: https://www.bytesofindia.com/P/WZKRCC
Similar Posts
रत्नागिरी जिल्ह्यातील संस्कृत शिक्षकांचे प्रशिक्षण शिबिर सुरू रत्नागिरी : रत्नागिरी जिल्ह्यातील संस्कृत शिक्षकांचे पाच दिवसांचे प्रशिक्षण १६ जुलैला सुरू झाले आहे. बदललेल्या अभ्यासक्रमानुसारचे हे महाराष्ट्रातील पहिलेच प्रशिक्षण आहे. नागपुरातील रामटेक येथील कविकुलगुरू कालिदास संस्कृत विश्वविद्यालय, जिल्हा परिषदेचा माध्यमिक शिक्षण विभाग, संस्कृत भारती आणि गोगटे-जोगळेकर
गोगटे-जोगळेकर महाविद्यालयात रंगला संस्कृत दिनाचा कार्यक्रम रत्नागिरी : संस्कृतला गीर्वाणवाणी म्हणजे देवांची भाषा असे म्हटले जाते; पण साध्या-सोप्या नियमांचा अभ्यास केला, तर ती कोणीही बोलू शकते. ती रोजच्या संवादाचीही भाषा होऊ शकते, हे रत्नागिरीतील गोगटे-जोगळेकर महाविद्यालयाच्या संस्कृत विभागातील विद्यार्थ्यांनी राष्ट्रीय संस्कृत दिनी दाखवून दिले.
इंटरनेटमुळे संस्कृत पत्रकारिता बहरतेय रत्नागिरी : ‘संस्कृत ही पुरातन भाषा सध्या लोकव्यवहारातून मागे पडली असली, तरी इंटरनेटमुळे संस्कृतचे पुनरुज्जीवन होण्यास मोठा हातभार लागतो आहे. ऑनलाइन पोर्टल्स, वेबसाइट, टीव्ही चॅनेल्स, ऑनलाइन रेडिओ अशा विविध माध्यमांतून संस्कृत पत्रकारिता बहरू लागली आहे. सध्या देशभरात ११०हून अधिक संस्कृत नियतकालिके सुरू
आधुनिक वैज्ञानिक संज्ञांनाही प्रतिशब्द तयार करण्याची संस्कृतमध्ये क्षमता रत्नागिरी : ‘संस्कृत ही अत्यंत समृद्ध भाषा आहे. विज्ञानातील अत्याधुनिक पारिभाषिक, तांत्रिक संज्ञांनाही प्रतिशब्द तयार करण्याची क्षमता संस्कृतमध्ये आहे. कारण या भाषेत २२ उपसर्ग, दोन हजार धातू (मूळ क्रियापदे) आणि दोनशे प्रत्यय आहेत. त्यांच्या योग्य वापराने इंग्रजी भाषेतील वैज्ञानिक संज्ञांनाही अर्थपूर्ण

Is something wrong?
ठिकाण निवडा
किंवा

Select Feeds (Section / Topic / City / Area / Author etc.)
+
ही लिंक शेअर करा
व्यक्ती आणि वल्ली स्त्री-शक्ती कलाकारी दिनमणी
Select Language