माणूस जसा मोठा होत जातो, काळ पुढे सरकत राहतो, तसे आयुष्य उलगडत जाते, समजत जाते. चांगल्या-वाईट काळात साथ देणारे विचारच माणसाच्या आयुष्याची दिशा ठरवत असतात. अनेकदा साधे विचारही जीवन व्यापून टाकतात, असे सांगत प्रा. मिलिंद जोशी यांनी ‘पाहावे आपणासी आपण’ या पुस्तकातून युवक, विद्यार्थी, पालक, गृहिणी अशा सर्व वयोगटांतील वाचकांना प्रेरणा देणारी दिशा दाखवली आहे. व्यवस्थापन कसे करावे, याचे मर्म त्यांनी या पुस्तकाद्वारे उलगडले आहे. यातील लेख छोटेखानीच आहेत; पण ते मोठ्या जीवन आशयाकडे जाण्याच्या दिशा सूचित करणारे आहेत. श्रद्धा, अनुभव, आशावाद, एकांत, हास्ययोग, वक्तृत्वकला, खेळ स्मृतींचा, मी ओमकार स्वरूप, आध्यात्मिक एकारलेपण, साधेपणा, मनाचे व्यवस्थापन, वारी आणि जीवन, दिवाळी अशा विविध विषयांवरील हे लेख आहेत; मात्र जगण्याचा यथार्थ बोध करून देणे आणि जीवननिष्ठा बळकट करणे, हे एक सूत्र त्यांत आहे.
पुस्तक : पाहावे आपणासी आपण
लेखक : प्रा. मिलिंद जोशी
प्रकाशक : मंजुल पब्लिशिंग हाउस
पृष्ठे : १४१
मूल्य : १९९ रुपये
(‘पाहावे आपणासी आपण’ हे पुस्तक ‘बुकगंगा डॉट कॉम’वरून थेट घरपोच मागविण्यासाठी खालील लिंकवर क्लिक करा.)