Ad will apear here
Next
स्वादिष्ट वॅफल्सची दुनिया ... आता फर्ग्युसन रोडवर
पुणे : ‘वॅफल्स’ हे  मुळचे पाश्चात्त्य मिष्टान्न  भारतीयांना अगदीच काही नवीन नाही, मात्र आता ते सहजपणे उपलब्ध होऊ लागले आहे. त्यामुळे खवैय्यांमध्ये ‘वॅफल्स’ची चलती दिसून येत आहे.  पुणेकर खवैय्यांनाही ‘वॅफल्स’ने भुरळ घातली आहेच. अशा या अनोख्या ‘वॅफल्स’ची दुनियाच  फर्ग्युसन रोडवर खुली झाली आहे. विशेष म्हणजे ही ‘बबल वॅफल्स’ असून, ती वॅफल्स शाकाहारी आहेत. त्यात अंड्याचा वापर केलेला नाही. त्यामुळे शाकाहारी लोकांनाही याचा मनसोक्त आस्वाद घेता येईल. शुभारंभानिमित्त ३० आणि ३१ मे रोजी संध्याकाळी सहा ते रात्री नऊ या वेळेत स्वादिष्ट वॅफल्स फक्त दोन रुपयांमध्ये उपलब्ध आहेत.

लंडन बबल कंपनीने (एलबीसी) सुरू केलेल्या या दालनात वेगवेगळ्या चवीचे आणि प्रकारचे  ‘बबल वॅफल्स’ मिळतात. बबल वॅफल रॅप्स, पॉकेट वॅफल्स असे प्रकार असून त्यात बेरी बे, ब्ल्यू बेरी क्रिम चीज, वाइल्ड-बेरी क्रिम चीज; तसेच चॉकलेटची आवड असलेल्या व्यक्तींसाठी रश लेडी रश, डेथ बाय चॉकलेट, मॅजिक वॅफल्स तसेच; ब्लॅकजॅक, लंडन बबलगम व जिम्मी न्युटेला असे वेगेवेगळे स्वाद  आहेत. थोडेसे कुरकुरीत पण नरम वॅफल्स त्यावर चॉकलेट आईस्क्रीम, आकर्षक सजावटीसह समोर येते तेंव्हा त्याची भुरळ खवैयांना पडली नाही तरच नवल !

सौरभ राठोड
हे अनोखे मिष्टान्न भारतात आणले आहे ते सौरभ राठोड या तरुणाने. भारतीयांना जगभरातील स्वादिष्ट मिष्टान्नांचा आस्वाद देण्याच्या उद्देशाने सौरभने २०१७ मध्ये ‘गॉबल मी गुड’ या कंपनीची स्थापना केली. लंडनमध्ये त्यांनी हे बबल वॅफल्स  पाहिले,त्यांना हा पदार्थ इतका आवडला की त्यांनी ‘लंडन बबल कंपनी’च्या (एलबीसी) सहकार्याने हे मिष्टान्न भारतात आणण्याचे ठरवले. ऑक्टोबर २०१७ मध्ये मुंबईमधील जुहू येथे आपले पहिले दालन सुरू केले. कंपनीने भारतात आतापर्यंत नऊ दालने सुरू केली आहेत. 

आगामी योजनांबाबत बोलताना सौरभ राठोड म्हणाले, ‘आणखी १५ दालने सुरू होण्याच्या टप्प्यावर आहेत. २०१९ अखेरपर्यंत फ्रँचायजी तत्वावर ही संख्या   दोनशे पर्यंत वाढवण्याची योजना आहे; तसेच २०१९ पर्यंत भारतात तीन आणखी आंतरराष्ट्रीय खाद्यपदार्थ दाखल करण्याचाही मानस आहे. ‘वॅफल्स’मध्ये तिखट, खास भारतीय मिष्टान्नाचे फ्युजन करण्याचीही योजना असून, त्यासाठी संशोधन सुरू आहे.’ 

 पुण्यातील हे दालन, व्यवसायाने वकिल असलेले यश मेहता, बांधकाम व्यवसायामध्ये असलेले आशय शाह , सुप्रसिद्ध चलन विनिमय स्टोअरचे मालक हर्ष पारेख  आणि व्यावसायिक राज ओसवाल या चार तरुणांनी आपले फूड अँड बेव्हरेजेस क्षेत्रामध्ये काहीतरी करून दाखवण्याचे स्वप्न पूर्ण करण्याच्या उद्देशाने सुरू केले आहे.  

सौरभ राठोड यांच्यासमवेत पुण्यातील ‘लंडन बबल कंपनी’च्या दालनाचे संचालक हर्ष पारेख, यश मेहता, आशय शाह आणि राज ओसवाल
 
Feel free to share this article: https://www.bytesofindia.com/P/EZJFBO
Similar Posts
प्राईड हॉटेलमध्ये सिझलर फिएस्टा फेस्टीव्हल पुणे : शिवाजीनगर येथील प्राईड हॉटेलमधील कॅसाब्लांका रेस्टॉरंटमध्ये सिझलर फिएस्टा फेस्टीव्हलचे आयोजन करण्यात आले आहे. १७ नोव्हेंबरपासून ते २५ नोव्हेंबरपर्यंत दुपारी १२.३० ते रात्री ११.३० या वेळेत हा फेस्टीव्हल खवय्यांसाठी सुरू राहणार असून, यामध्ये इंडियन, काँटिनेंटल आणि ओरिएंटल प्रकारातील सिझलर्सची मेजवानी चाखायला मिळणार आहे
बालदिनी विशेष मुलांसाठी काँग्रेसतर्फे खास कार्यक्रम पुणे : पंडित जवाहरलाल नेहरू यांची जयंती अर्थात बालदिनानिमित्त पुणे शहर काँग्रेस कमिटीने कामायनी संस्थेतील मूकबधिर व मतिमंद मुलांसोबत विशेष कार्यक्रम आयोजित केला आहे. जंगली महाराज रोडवरील मॅकडोनाल्ड येथे १४ नोव्हेंबर २०१९ रोजी सकाळी ११.३० वाजता हा कार्यक्रम होणार आहे. टॅटू पेंटिंगसह अन्य वेगवेगळ्या गमतीजमतींचा
अर्भकाला जीवनदान देणाऱ्या कचरावेचक महिलांचा सत्कार पुणे : विश्रांतवाडीतील एकतानगरमध्ये कचराकुंडीत टाकलेल्या नवजात मुलीला जीवदान देणाऱ्या लक्ष्मी राजू डेबरे आणि मंगल जाधव या कचरावेचक महिलांचा पुणे महानगरपालिकेच्या महिला बालकल्याण समितीच्या वतीने नुकताच सत्कार करण्यात आला. या वेळी स्वच्छ संस्थेच्या व येरवडा क्षेत्रीय कार्यालयातील अधिकारी, कर्मचाऱ्यांचाही सत्कार करण्यात आला
मराठी शुद्धलेखनाचे पहिले ॲप पुणे : भाषेची शुद्धता आणि नेमकेपणा हा विचार हळूहळू मागे पडत चाललेला असताना, ज्यांना खरोखरच शुद्ध भाषेत लिहायचे आहे, शब्दांचा वापर समजून-उमजून करायचा आहे, अशांसाठी एक आनंदाची बातमी आहे. मराठी शुद्धलेखन या विषयात गेली अनेक वर्षे काम करणारे व्याकरणतज्ज्ञ अरुण फडके यांनी शुद्धलेखन या विषयावरील पहिले मोबाइल ॲप सादर केले आहे

Is something wrong?
ठिकाण निवडा
किंवा

Select Feeds (Section / Topic / City / Area / Author etc.)
+
ही लिंक शेअर करा
व्यक्ती आणि वल्ली स्त्री-शक्ती कलाकारी दिनमणी
Select Language