पिंपरी : डॉ. डी. वाय. पाटील आयुर्वेद महाविद्यालय, रुग्णालय आणि संशोधन केंद्र, पुणे नेत्र सेवा प्रतिष्ठान, तसेच लायन्स क्लब यांच्या संयुक्त विद्यमाने डॉ. डी. वाय. पाटील आयुर्वेद रुग्णालयात मोफत तिरळेपणा शस्त्रक्रिया शिबीर व परिषद आयोजित करण्यात आली होती. या वेळी ५६ रूग्णांवर तिरळेपणा घालवण्यासाठी यशस्वी शस्त्रक्रिया करण्यात आल्या.
या सर्व शस्त्रक्रिया मोफत करण्यात आल्या. डॉ. मधुसूदन झंवर, डॉ. पारस शहा, डॉ. राजेश पवार यांच्या गटाने या शस्त्रक्रिया केल्या. या वेळी डॉ. एन. जे. पवार, डॉ. गुणवंत येवला, उपप्राचार्य डॉ. प्रशांत खाडे, विभाग प्रमुख व आयोजक डॉ. नीलिमा अमृते, ओमप्रकाश पेठे आदी मान्यवर उपस्थित होते.
या वेळी संस्थेचे कुलपती डॉ. पी. डी. पाटील, ट्रस्टी डॉ. स्मिता जाधव यांनी अशा समाजोपयोगी उपक्रमांचा व डॉ. डी. वाय. पाटील आयुर्वेद रुग्णालयातील सोयी-सुविधांचा लाभ घ्यावा, असे आवाहन केले.
