परदेशवारी हे अनेकांचे स्वप्न असते. आता ते पूर्ण आवाक्यातही आहे. रत्नागिरी जिल्ह्यात लांजा येथे राहणाऱ्या विजयालक्ष्मी देवगोजी यांना त्यांच्या चुलत बहिणीकडे स्वित्झर्लंडला जाण्याचा योग आला. तिथे २२ दिवसांतील वास्तव्यातील आठवणी त्यांनी ‘अजि म्या परदेस पाहिला’मधून कथन केल्या आहेत. पुस्तकातून वाचलेला, चित्रपटांतून पाहिलेला निसर्गरम्य स्वित्झर्लंड प्रत्यक्ष पाहिल्यानंतरचे अनुभव त्यांनी सांगितले आहेत.
गोव्यात विमानतळावर आल्यापासून स्वित्झर्लंडपर्यंतच्या प्रवासाने सुरुवात होते. सेंट गालन येथे राहणाऱ्या ताईच्या घरी गेल्यावर तेथील गोष्टींचे अप्रूप, राजहंसांच्या पिसांच्या पांघरुणाची गमंत, भोवतालचा निसर्ग, राजहंसाचे प्रत्यक्ष दर्शन यात आहे. पुतणी कुमुद व तिची कलाकार मैत्रीण बिनिता यांचा सहवास, तेथील शिस्तीचे लोकजीवन, लागो मॅजिओरे नदी, मोंटे सॅन साल्वातोर, ऱ्हाईन नदीची सफर, चीजची फॅक्टरी, ताईच्या मुलीच्या लग्नाच्या तयारीत तेथील लोकांच्या रिती, परंपरेची ओळख त्यांना होते. या सर्वांचे वर्णन यात केले आहे.
पुस्तक : अजि म्या परदेस पाहिला
लेखक : विजयालक्ष्मी देवगोजी
प्रकाशक : अमरल प्रकाशन
पाने : १६८
किंमत : २०० रुपये
(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)