देव आहे की नाही यावर सातत्याने चर्चा होत असते. प्रा. डॉ. पां. ह. कुलकर्णी यांनी ‘देवमाळ’मधून ब्रह्मसूत्रे-वेदांतसूत्रे याचे विश्लेषण करताना देव या संकल्पनेवर प्रकाश टाकला आहे.
ब्रह्मसूत्रे-वेदांतसूत्रे शारीरिकमीमांसा असेही म्हणतात. कारण यात स्वरूप साकारले आहे, असे लेखकाने म्हटले आहे. याच्या पहिल्या प्रकरणात ब्रह्म आणि त्याच्याशी तादात्म्य पावणे, दुसऱ्या अध्यायात वेदांत व इतर शास्त्रे यात विरोध नाही, हे त्यांनी स्पष्ट केले आहे. तिसऱ्या प्रकरणात ब्रह्मापाशी जाणे, त्यात मिसळणे याबद्दल माहिती दिली आहे, तर चौथ्या प्रकरणात ब्रह्मप्राप्तीमुळे काय होते हे सांगितले आहे.
ब्रह्म, देव हा या पुस्तकाचा मुख्य विषय असल्याने ब्रह्माचे स्वरूप यात स्पष्ट केले आहे. पूर्ण ब्रह्म आणि व्यक्तिगत, माणसांतील ब्रह्म यांची संगती लावताना ब्रह्माची एकाग्रता कशी साधावी, ध्यानधारणा कशी करावी हे सुचविले आहे. कर्मकांड, उपासनाकांड, ज्ञानकांड, वेद-उपनिषदांची माहितीही दिली आहे. सोप्या भाषेतील या माहितीतून ब्रह्मसूत्रे व त्या अनुषंगाने येणाऱ्या विषयांचे ज्ञान मिळते.
पुस्तक : देवमाळ
लेखक : प्रा. डॉ. पां. ह. कुलकर्णी
प्रकाशक : दीर्घायू इंटरनॅशनल
पाने : १८७
किंमत : ४०० रुपये
(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)
