पुणे : देशातील पहिल्या तीन क्रमांकाच्या अॅनिमेशन प्रशिक्षण संस्थांमध्ये ‘सूर्यदत्ता’च्या अॅनिमेशन इन्स्टिट्यूटने स्थान मिळवले आहे. ‘टॉप अॅनिमेशन एज्युकेशन ब्रँड्स २०१९’मध्ये व्हिसलिंग वूड्स, पिकासो, एनआयडी यासारख्या नामवंत संस्थांबरोबर ‘सूर्यदत्ता’च्या अॅनिमेशन इन्स्टिट्यूटचा सन्मान करण्यात आला. यामुळे ‘सूर्यदत्ता’च्या शिरपेचात मानाचा तुरा खोवला गेला आहे.
‘तारे जमीं पर’ चित्रपटाचे अॅनिमेशन फिल्म डिझायनर, झिंगा गेम्स इंडियाचे क्रिएटिव्ह डायरेक्टर धीमंत व्यास यांच्या हस्ते मानचिन्ह आणि प्रमाणपत्र देऊन सूर्यदत्ता अॅनिमेशन इन्स्टिट्यूटला सन्मानित करण्यात आले. अॅनिमेशन विभागाचे प्रमुख प्रा. अंकित जैन आणि सिद्धांत चोरडिया यांनी हा पुरस्कार स्वीकारला.
याबाबत बोलताना संस्थेचे संस्थापक संचालक प्रा. डॉ. संजय चोरडिया म्हणाले, ‘विद्यार्थ्यांच्या सर्वांगीण विकासासाठी उद्योग संवाद, कौशल्य विकास, शिक्षण संसाधने यावर संस्था नेहमीच भर देते. ॲनिमेशनच्या विद्यार्थ्यांना व्यासपीठ उपलब्ध करून देण्यासाठी संस्था सातत्याने प्रयत्न करत असते. अॅनिमेशन विभागाने केलेली ही कामगिरी कौतुकास्पद आहे.’
धीमंत व्यास यांनी अॅनिमेशन क्षेत्राच्या सद्यस्थितीविषयी मार्गदर्शन केले.