Ad will apear here
Next
उक्षीतील खोदशिल्पाचे लोकार्पण
उक्षी येथील हत्तीच्या कातळशिल्पाचे लोकार्पण करताना निवासी उपजिल्हाधिकारी अभिजित घोरपडे. शेजारी अनिल विभुते, अमित शेडगे व ग्रामस्थ.

रत्नागिरी : रत्नागिरी तालुक्यातील उक्षी येथे तीन वर्षांपूर्वी आढळलेल्या हत्तीच्या भव्य खोदशिल्पाला रविवारी, २१ जानेवारी रोजी संरक्षक कठडा बांधण्यात आला. संशोधक, सरपंच आणि लोकांच्या सहभागातून या खोदशिल्पाचे लोकार्पण करण्यात आले. आता या गावात पर्यटन वाढण्यासाठी जिल्हा प्रशासनाने पुढाकार घेतला आहे. कोकणात प्रथमच ग्रामपंचायत आणि लोकसहभागातून या खोदशिल्पाचे संरक्षण केले जात आहे.

रत्नागिरी, राजापूर, लांजा या तीन तालुक्यांतील ४३ गावांत ७१ ठिकाणी ९५० खोदशिल्पे आढळली आहेत. सुमारे १० हजार ते ३५ हजार वर्षांपूर्वीची ही शिल्पे म्हणजे जागतिक वारसा आहेत. त्यांचे संवर्धन करण्यासाठी ग्रामस्थांच्या मदतीने शासनाच्या वतीने पुढाकार घेतला जाणार आहे.

२१ जानेवारीला झालेल्या लोकार्पण सोहळ्यासाठी रत्नागिरीचे निवासी उपजिल्हाधिकारी अभिजित घोरपडे, प्रांताधिकारी अमित शेडगे, ग्रामीण पोलीस निरीक्षक अनिल विभुते, तसेच खोदशिल्पाचे संशोधक सुधीर रिसबूड, धनंजय मराठे, समन्वयक ऋत्विज आपटे आदींसह अनेक मान्यवर आणि ग्रामस्थ, तसेच पत्रकार उपस्थित होते. सरपंच मिलिंद खानविलकर व उपसरपंच हरिश्चंद्र बंडबे यांनी लोकसहभागातून या कातळ खोदशिल्पाला संरक्षक कठडा बांधला. त्याशेजारी चबुतरा बांधला असून, त्यावरून कातळशिल्प व्यवस्थित दिसू शकते. 

अनुप सुर्वे यांच्या जागेमध्ये हे हत्तीचे शिल्प आढळले. त्यांनी विनामोबदला ही जागा उपलब्ध करून दिली. तसेच जवळच काशिनाथ देसाई यांच्या जागेमध्ये सुमारे पंधरा खोदशिल्पे आहेत. या शिल्पांची साफसफाई करून तेथेही कठडा बांधण्यात येणार आहे. त्यामुळे उक्षी गावात पर्यटनाचा नवा अध्याय सुरू होईल. उक्षीमध्ये पावसाळ्यात धबधबा पाहण्यासाठीही गर्दी होते. त्यासोबत कातळशिल्पे पाहण्याची संधी पर्यटकांना मिळणार आहे.

या शिल्पाच्या अज्ञात शिल्पकाराला घोरपडे यांनी वंदन केले. ‘कातळशिल्प हा जागतिक दर्जाचा ठेवा आहे. त्यामुळे त्याचे संरक्षण केलेच पाहिजे. मानवतेचा वारसा जतन करून पर्यटन विकास साधण्याचे काम उक्षी ग्रामस्थांनी केले आहे,’ अशा शब्दांत त्यांनी त्यांचे अभिनंदन केले. ‘लोकांची एकी नसेल, तर कोणतेही काम होत नाही. परंतु खोदशिल्पासाठी ग्रामस्थांनी एकी दाखवून काम केले आहे. मी हे शिल्प जवळून पाहिले आणि आज चबुतऱ्यावरून पाहिले, तर एक वेगळा अनुभव घेता येतो, याची जाणीव झाली. त्यामुळे हे पर्यटकांसाठी आकर्षण ठरेल,’ असे विभुते यांनी सांगितले. कातळशिल्पासाठी सहकार्य करणाऱ्यांचा या वेळी सन्मान करण्यात आला. 

कसे जायचे?
हत्तीचे हे खोदशिल्प उक्षी गावातील प्रसिद्ध धबधब्यापासून केवळ दोन किलोमीटर अंतरावर आहे. हे ठिकाण मुंबई-गोवा महामार्गापासून २५ किलोमीटर, तर रत्नागिरी शहरातून ते ४० किलोमीटर अंतरावर आहे. कोकण रेल्वेचे स्थानकही उक्षी गावात असल्याने बाहेरील पर्यटकांनाही येथे जाणे शक्य आहे. 

 
Feel free to share this article: https://www.bytesofindia.com/P/HZRDBK
Similar Posts
रत्नागिरीतील कातळ-खोद-चित्रांना परदेशी तज्ज्ञांची भेट रत्नागिरी : गेल्या काही वर्षांत रत्नागिरी जिल्ह्यात अनेक ठिकाणी अश्मयुगीन कातळ-खोद-चित्रांचा ठेवा सापडला आहे. त्यांच्या जतनासाठी शोधकर्ते, तसेच स्थानिक कार्यकर्ते प्रयत्नशील आहेत. या वारशाची दखल आता आंतरराष्ट्रीय पातळीवरही घेतली गेली आहे. ऑस्ट्रियातील पुरातत्त्वशास्त्रज्ञ डॉ. एर्विन न्यूमायर आणि इंग्लंडमधील
रत्नागिरीत एक मे रोजी ‘राउंड टेबल कॉन्फरन्स’ रत्नागिरी : कोकणाच्या विकासाच्या दृष्टीने कृषी, मत्स्य, पर्यटन व वाहतूक या क्षेत्रातील विविध संधी तसेच नवीन व सुरू असणाऱ्या प्रकल्पांना गती देण्यासाठी केंद्रीय उद्योग व वाणिज्य मंत्री आणि हवाई परिवहन मंत्री सुरेश प्रभू यांच्या अध्यक्षतेखाली रत्नागिरीत एक मे २०१८ रोजी ‘राउंड टेबल कॉन्फरन्स’ आयोजित करण्यात आली आहे
सफर... रत्नागिरीत येण्याची... रत्नागिरी म्हणजे रत्नांची नगरी. अनेक नररत्ने या भूमीने देशाला दिली. या भूमीला इतिहासाचा वारसा आहे आणि इथला भूगोल मन रिझवणारा आहे. रत्नागिरी जिल्ह्याला १६७ किलोमीटर लांबीचा शुभ्र, रूपेरी वाळूचा, फेसाळणाऱ्या लाटा अंगावर घेणारा सुंदर समुद्रकिनारा लाभला आहे. हिरवाईत सामावलेला निसर्ग, लाल मातीतील शिवारे,
रत्नागिरीत ३० जानेवारीला पर्यटन परिषद रत्नागिरी : जिल्ह्याच्या पर्यटन विकासाला नवी दिशा देण्याची हेतूने रत्नागिरी पर्यटन सहकारी सेवा संस्थेतर्फे ३० जानेवारी २०१९ रोजी सकाळी १० ते सायंकाळी चार या वेळेत पर्यटन परिषदेचे आयोजन करण्यात आले आहे. या परिषदेचे उद्घाटन पर्यटन मंत्री जयकुमार रावल यांच्या हस्ते होणार आहे. पर्यटन क्षमता, आव्हाने, संधी,

Is something wrong?
ठिकाण निवडा
किंवा

Select Feeds (Section / Topic / City / Area / Author etc.)
+
ही लिंक शेअर करा
व्यक्ती आणि वल्ली स्त्री-शक्ती कलाकारी दिनमणी
Select Language