मुंबई : दाऊद इब्राहिम या कुख्यात अंडरवर्ल्ड डॉनची बहीण आणि ‘आपा’ म्हणून ओळखली जाणारी हसीना पारकर हिच्या आयुष्यावर बेतलेला हिंदी चित्रपट लवकरच प्रदर्शित होत आहे. श्रद्धा कपूर हिच्या अभिनयाने सजलेला आणि अपूर्व लाखिया याच्या दिग्दर्शनाने साकारलेल्या ‘हसीना पारकर’ या चित्रपटाचा ट्रेलर नुकताच प्रदर्शित झाला. श्रद्धा कपूरचे वेगळे रूप आणि अनेक छटा असणारी हसीना पारकरची श्रद्धाने निभावलेली भूमिका ट्रेलरमध्येच सर्वांचे लक्ष वेधून घेत आहे.
या चित्रपटाच्या ट्रेलर लाँचच्या निमित्ताने आयोजित कार्यक्रमाला चित्रपट आणि माध्यम क्षेत्रातील अनेकांनी हजेरी लावली होती. श्रद्धा कपूर, दिग्दर्शक अपूर्व लाखिया, निर्माती नाहीद खान, अंकुर भाटिया आणि सिद्धांत कपूर यांच्या उपस्थितीत हा ‘ट्रेलर लाँच’चा कार्यक्रम झाला. ‘ग्लोबल अॅडव्हर्टायझर्स’चे अमित गुप्ता यांनीही या दिमाखदार सोहळ्याला हजेरी लावली आणि श्रद्धा कपूरच्या अभिनयाचे कौतुक केले.