Ad will apear here
Next
‘कोमसाप’च्या मालवण शाखेतर्फे निबंध स्पर्धेचे आयोजन
मालवण : कोकण मराठी साहित्य परिषदेच्या (कोमसाप) मालवण शाखेच्या वतीने संध्या धोंडू मळेकर यांच्या स्मरणार्थ ‘माझा आवडता लेखक-लेखिका’ या विषयावर कोकण प्रभाग खुली निबंध स्पर्धा आयोजित करण्यात आली आहे. 

मराठी भाषेच्या विकासासाठी आणि वाचन संस्कृती वृद्धिंगत करण्याच्या हेतूने आयोजित या स्पर्धेतील प्रथम तीन क्रमांक विजेत्यांना अनुक्रमे एक हजार ५२५, एक हजार २२५ आणि एक हजार २५ रुपये, तसेच ५२५ रुपयांची रोख दोन उत्तेजनार्थ पारितोषिके आणि सर्व विजेत्यांना स्मृतिचिन्हे व प्रमाणपत्रे दिली जाणार आहेत. 

या स्पर्धेत पालघर, ठाणे, मुंबई, नवी मुंबई, रायगड, रत्नागिरी, सिंधुदुर्ग या जिल्ह्यातील स्पर्धकांना सहभागी होता येणार आहे. मराठी भाषेतील आपल्या आवडत्या लेखक-लेखिकेच्या साहित्यकृतीचा चोखंदळपणे परामर्श करून तेच साहित्यिक का आवडतात याची परिणामकारक मांडणी जास्तीत जास्त एक हजार शब्दांत करायची आहे. निबंध स्वहस्ताक्षरात किंवा टाइप केलेला चालणार असून, स्पर्धकाने निबंधाच्या कागदावर नाव न लिहिता ते कव्हरिंग लेटरवर आपला पूर्ण पत्ता व मोबाइल क्रमांकासह लिहायचे आहे. हे निबंध १५ ऑगस्ट २०१९ पर्यंत अनिरुद्ध आचरेकर यांच्याकडे पाठवायचे आहेत. १५ ऑक्टोबरला स्पर्धेचा निकाल वर्तमानपत्रातून जाहीर केला जाणार असल्याची माहिती ‘कोमसाप’च्या मालवण शाखेचे अध्यक्ष सुरेश ठाकूर यांनी दिली आहे.

निबंध पाठवण्यासाठी पत्ता : अनिरुद्ध लक्ष्मण आचरेकर, सचिव, कोमसाप, मालवण द्वारा, न्यू इंग्लिश स्कूल आचरे, मु. पो. आचरे, ता. मालवण, जि. सिंधुदुर्ग. पिन - ४१६ ६१४
मोबाइल : ९४२०२ ६१५३३ 
सुरेश ठाकूर : ९४२१२ ६३६६५
 
Feel free to share this article: https://www.bytesofindia.com/P/LZMQCC
Similar Posts
मराठी सक्तीची मागणी करणाऱ्या आंदोलनाला ‘कोमसाप’च्या मालवण शाखेचा पाठिंबा मालवण : ‘महाराष्ट्रात सर्व क्षेत्रांत मराठी सक्तीची झालीच पाहिजे,’ या आंदोलनाला कोकण मराठी साहित्य परिषदेच्या मालवण शाखेने एकमुखी पाठिंबा व्यक्त केला आहे. २४ जून २०१९ रोजी मुंबईतील आझाद मैदान येथे २४ मराठी संस्थांच्या वतीने कोकण मराठी साहित्य परिषदेच्या यांच्या नेतृत्वाखाली आणि पद्मश्री मधू मंगेश कर्णिक
बॅ. नाथ पै यांच्यासारखे उमदे समाजवादी व्यक्तिमत्त्व दुर्मीळ मालवण : ‘बॅ. नाथ पै यांच्यासारखे उमदे समाजवादी व्यक्तिमत्त्व होणे आता दुर्मीळच आहे. बॅ. नाथ पै प्रथमच मालवण शहरात आले, त्या वेळी आम्ही त्यांचे व्याख्यान आयोजित केले होते. आपल्या पहिल्याच भाषणाने त्यांनी सर्वांची मने जिंकली होती,’ अशी आठवण समाजवादी विचारसरणीचे ज्येष्ठ कार्यकर्ते बाबूकाका अवसरे यांनी आचरे येथे बॅ
जिल्हास्तरीय वक्तृत्व स्पर्धेत प्रणिता कोटकर प्रथम मालवण : बॅ. नाथ पै स्मृती सिंधुदुर्ग जिल्हा स्तर आंतरमहाविद्यालयीन वक्तृत्व स्पर्धेत कुडाळच्या व्हिक्टर डॉन्टस विधी महाविद्यालयाची प्रणिता प्रदीप कोटकर हिने प्रथम क्रमांक मिळवला. साने गुरुजी कथामाला (मालवण) आणि कोकण मराठी साहित्य परिषदेची मालवण शाखा यांनी नुकतीच ही स्पर्धा आयोजित केली होती. आचरे येथील बॅ
‘कोमसाप’च्या मालवण शाखेतर्फे बरसला ‘पाऊस शब्दसुरांचा!’ आचरा (मालवण) : सध्या कोकणात सर्वत्र मुसळधार पाऊस सुरू आहे. या पार्श्वभूमीवर, कोकण मराठी साहित्य परिषदेच्या मालवण शाखेतर्फे ‘पाऊस शब्दसुरांचा’ या छोट्या साहित्य संमेलनाचे नुकतेच आचरे गावात आयोजन करण्यात आले होते.

Is something wrong?
ठिकाण निवडा
किंवा

Select Feeds (Section / Topic / City / Area / Author etc.)
+
ही लिंक शेअर करा
व्यक्ती आणि वल्ली स्त्री-शक्ती कलाकारी दिनमणी
Select Language