पुणे : आंतरराष्ट्रीय महिला दिनानिमित्त रुबी हॉल क्लिनिकमध्ये एका विशेष कार्यक्रमाचे आयोजन करण्यात आले होते. लॅबोरेटरी आणि क्वालिटी विभागाच्या संचालिका नीता मुन्शी, कमलनयन बजाज कॅन्सर सेंटरच्या प्रशासन प्रमुख शुभदा क्रुझ आणि रूबी हॉल क्लिनिकमधील सामाजिक कार्यविभागाच्या प्रमुख सुरेखा जोशी यांच्या नेतृत्वाखाली करण्यात आले.
यामध्ये मार्गदर्शनाबरोबरच मनोरंजनाच्या कार्यक्रमांचाही समावेश होता. या वेळी महिलांना शारीरिक, मानसिक आरोग्य, स्वावलंबन याविषयी मार्गदर्शन करण्यात आले. या वेळी गाण्याच्या भेंड्या, नृत्य, गायन आदी कार्यक्रमांमध्ये महिला कर्मचारी, डॉक्टर्स यांनी उत्साहाने भाग घेतला.