शाळा-महाविद्यालयीन पुस्तकांमधील विज्ञान हे आपल्या रोजच्या जीवनचाच भाग असते. सध्याच्या यांत्रिक युगात तर विज्ञानशिवाय पान हालत नाही. यंत्रमानवासारख्या संकल्पना काही वर्षांपूर्वी काल्पनिक वाटत होत्या, त्या आता प्रत्यक्षात आल्या आहेत. यातूनच शरद पुराणिक यांनी विज्ञानरंजक कथा ‘हॅलो मी प्रतिमानव’मध्ये लिहिल्या आहेत.

गरिबीतून शिक्षण घेऊन नॅशनल फिजिक्स लॅबोरेटरीत निवड झालेले सविता व रवी हे कालयंत्रातून प्रवास करणारे पहिले प्रवासी ठरतात व त्यातून ते पुन्हा भूतकाळात जातात. ‘दिवटा’मध्ये पंचाहत्तरी ओलांडलेल्या आजोबांच्या विशेष नातवाला बरे करण्यासाठी न्यूरोसर्जन डॉ. दिनकर कृत्रिम मेंदूचे रोपण करतात. त्यानंतर विराज हा बुद्धिमान, पण कॉमनसेन्स नसलेला विद्यार्थी म्हणून ओळखला जातो. कृत्रिम मेंदुप्रमाणेचे कृत्रिमरीत्या गर्भधारणा म्हणजे पुरुषाच्या मिलनाशिवाय महिलेला गर्भधारणा होऊ शकते, हा पाचारणे सरांचा प्रयोग स्वत: वर करून घ्यायला निशा तयार होते अन् नंतर तो कसा यशस्वी ठरतो, हे ‘बिन बापाची मुलगी’ या कथेतून सांगितले आहे. अशा विज्ञानरंजनपर १९ कथा यात आहेत.
लेखक : शरद पुराणिक
प्रकाशक : विश्‍वकर्मा प्रकाशन
पाने : १६६
किंमत : २०० रुपये

(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)